​Zlatan-a hma hun a chiang lo

13th July 2020, 07:07AM

AC Milan striker Zlatan Ibrahimovic chuan tun season a zawh rualin, Milan-a a contract a hmang zo dawna, a hmalam hun a chiang lo hle.

Milan hian nikum December thla khan Zlatan hi an laluta, tun season tawp thleng contract ziahpuiin, an duh chuan kum 2021 nipui thleng pawhsei theihna an nei.

Zlatan a contract hi zo mai tur ni mahse Milan hian contract pawhsei chungchangah Zlatan hi eng mah an la sawipui loa, Zlatan hi season tharah a chhuak dawn nge Milan-ah a la awm zel dawn a sawi theih loh.

Kum 38 mi ni tawh mahse Milan tan hian Zlatan hi a che chhe lo hle a, Milan-a a kir hnuah hian game 11 khel tawhin, goal nga a khung tawh.

Milan hian sporting director thar an nei dawn niin a langa, RB Leipzig sporting director Ralf Rangnick chu Milan hian an la dawn nia sawi niin, Rangnick hi Milan-ah a lut a nih chuan Zlatan a chhuah leh chhuah loh a kutah a innghat thui hle tura ngaih a ni.

Copyright © inkhel.com 2024. All rights reserved.