French manager Zinedine Zidane chuan, tun season a zawh hunah, Real Madrid manager a nihna chu bansan a tum niin chanchinbu mite chuan an tarlang.

Zidane hian tunah hian season khat dang Real Madrid-ah contract a la neia, mahse Real hotute lalah lungawi lohna neuh neuh a neih avangin banzai a rel mai a rinawm chho viau nia sawi a ni.

Real Madrid hian UEFA Champions League semi-final ah Chelsea an hneh lova, La Liga lamah lah champion lai ni mahse an title an humhim thei dawn em a sawi theih lova, trophy chawi lovin season an khar mai te pawh a rinawm hle.

Zidane hi Real senior player thenkhat te chuan an zah lo tan niin sawi a awm bawka, dressing room lam boruak pawh a tha vak lo niin a langa, a tan chhuah a hun hle niin chanchinbu thenkhat chuan an tarlang nghe nghe.

Real Madrid hotute chuan Zidane hian a contract neih lai a hman zawh hram an beisei niin tarlan a ni ve thunga, mahse French manager hi season tharah Real Madrid manager a nih a rinawm tawh lo zawk a ni.

Hetiang thawm a awm takah chuan chanchinbu mite chuan Real Madrid manager tur an inrinsiak tan meka, Real legend Raul bakah Germany coach Joachim Low te chu hming langsar zual an ni.