​Zenit pan tur Lovren?

13th July 2020, 07:07AM

Liverpool defender Dejan Lovren chuan nipui bazar hunah Anfield a chhuahsan ngei dawnin a langa, Russian club Zenit St. Petersburg chuan Croatian defender hi lakluh an duh nia sawi a ni.

Zenit bakah pawh kum 31 mi Lovren lakluh duh hi an awm nual niin chanchinbu mite chuan an tarlanga, Lovren hian Zenit a pan rinawm ber mahse sawilawk theih a awm lo.

Lovren hian kum 2014 atanga a lo khelh tawhna Liverpool chu inkhelhna hmun a chan tam theihna tur zawka pan chhuahsan mai a tum niin a langa, tun season-ah competition zawng zawngah vawi 15 bak Lovren hi a la khel lo.

Lovren hian kum khat dang Liverpool-ah contract la nei mahse Liverpool hian a thlawn pawhin chhuah tir mai an hnial lo niin chanchinbu thenkhat chuan an tarlanga, Zenit pawhin a thlawna lakluh an inbeisei hle nia sawi a ni bawk.

Roma pawhin Lovren hi lakluh an duh nia sawi a ni a, Roma hian nikum pawh khan loan-in kum 31 mi hi lakluh an lo tum tawha, mahse an hlawhchham.

Liverpool manager Jurgen Klopp chuan centre-back ah Lovren ai hian Virgil van Dijk, Joe Gomez leh Joel Matip te a ring zawka, hetiang a nih avang hian Lovren-a tan inkhelh tam ngaihna a awm lova, season tharah chuan Anfield atanga a input chhuah tawh ngei a rinawm hle a ni.

Copyright © inkhel.com 2024. All rights reserved.