E-Sports hi Mizote thinlungah tla na hle mahse Tournament lian emaw Event lian emaw gamer te promote na tur buatsaih hi a harsat thin avangin Mizo Gamers an thlen tur chin thleng phak lo tam tak an awm.

Mahse mi inphal tak takte an rawn chhuak zel a, Mizoram mai nilo, India ram chhunga event lawmman tam berna pakhat Internet Service Provider Netsurf chuan an buatsaih ta rup mai. Lawmmanah ₹80,000 chuang an sem ral dawn ! Dota 2 Championship season 1 Netsurf in a buatsaihah hian team 41 lai an tel a.

Tichuan Netsurf Dota 2 Championship season 1 hmawr kan bawk thei dawn ta reng mai. July ni 3 zan hian Main Event neih a ni dawn a, zanin hiam final lut tur kan hre tawh dawn a ni. Shaggy Bark leh Shades Gaming te karah nizan lamah chak zawk kan hre hman lova. Vawiin tlai hian an chhunzawm leh dawn.

A chak zawk zawk lower bracket semi final an ni anga, a chaklp zawk erawh an tla dawn a ni. Sunset Assasins leh MonsterLove te chuan upper Bracket final an ni anga, chaklo zawk erawh lower bracket final an ni anga, chumi hnuah main event final lut tur kan hre chhunzawm tawh ang.

A hma zawngin mahni in atangin online in an khel a, july ni 1 zan atang khan Chanmari YMA hall ah LAN event tan a ni a. ESports fans ten an lawm nghal hle a, hero pick atangin an au nghal dur dur. I chhim ve dawn a nih chuan i dota 2 ID kha submit la, prize tha tak i dawng thei ang. Luh man a awmlo,mahse rui chung chuan kal chi a ni lo, Mixed Martial art player te an duty a nia aw.