Dawrpui Vengthar Branch YMA Golden Jubilee denchhena MBBA hriatpuinaa buatsaih, Invitational Basketball Tournament chu kalpui zel a ni a, a hmawr bawk a hnai dawn tan ta a. Vawiin hian Dawrpui Vengthar basketball court-ah quarter final khelh a ni ang.
Ramthar vs Dawrpui
Ramthar tan Zorinsanga leh Remsanga te an che tha hle a, 67-56 in an veng an chakpui.
1st quarter khel tha zawk Dawrpuiin 2nd leh 3rd quarter-a an khelh that loh an tuar hle a, 4th quarter-ah theih tawp chhuah mahse Ramthar an umphak ta lo a, Chhana leh Lura te khel tha mahse a tawk lo.
Heti hian Ramthar hi quarter final an lut ta a, vawiin tlai dar 4:30 hian Khatla South hnehtu Tuikual North an hmachhawn ang.
Zarkawt vs Kulikawn
Zarkawt in rei tak hma hruai mahse Kulikawnin an lehthal mawi hle a, game a tangin team hnihte khel a hmuhnawm hle.
Chawlhlawk hmain Zarkawt senior player Lalsawma a khel tha hle a, an veng hma hruaipui nghalin, Mathew leh Nunkima te pawhin an thlawp tha viau bawk a, 1st leh 2nd quarter-ah an chungnung hle.
3rd leh 4th quarter-ah Kulikawn an tang hle a, senior player Richard-a hoin Hlua, Liansanga leh Malcolm-a te’n ropui takin an khel a, Kulikawn in an pawtthla chiang hle a, 70-61 in hnehna an chang ta a, quarter final-ah zanin dar 7:00 hian Bungkawn nen an intum ang.
Republic vs Tuikhuahtlang
Half time-ah Tuikhuahtlang in point 34-24 in hma an hruai a, 3rd quarter tan atangin Republic lamin nawr viau mahse an inkar an ti zim tak tak thei lo a, 4th quarter-ah pawh Republic tang viauin point 3 chauh ten inthlau thin mahse Tuikhuahtlang an tang khawng thei a; Lalrina'n Tuikhuahtlang hmahruaina a humhim thei ta hram a ni.
Republic lamah senior player Darliansanga a tangkai hle a, a teammate naupang tak takte theihtawp chhuahpui mahse Tuikhuahtlang lakah 50-54 in an chak zo ta lo a ni. Zanin dar 9:00 ah Tuikhuahtlang hian quarter final-ah Chawnpui an hmachhawn ang.
Quarter final fixture:
Dawrpui Vengthar vs Tuikual South (2:30 PM)
Tuikual North vs Ramthar (4:30 PM)
Bungkawn vs Kulikawn (7:00 PM)
Chawnpui vs Tuikhuahtlang (9:00 PM)