16 Oct 2020 08:21

bakteaJr.

Mizo tlangval

​Zabaleta a chawl

Manchester City right-back hlui Pablo Zabaleta chuan kum 35 mi niin, inkhelh a chawlhsan fel thu a puang.

City leh West Ham fullback hlui hian kum 18 chhung zet professional football a chenchilh hnuah a chawlh thu hi a puang.

Argentine fullback hlui Zabaleta hian kum 2008 khan Espanyol atangin Manchester City a pana, City hian a manah pound maktaduai 6.5 sengin, an legend a ni zui.

City tan Zabaleta hian game 333 a khel hmana, Premier League title pahnih bakah FA Cup pakhat leh League Cup pahnih te a chawi hman bawk.

City tan season kua lai a khelh hnuah kum 2017 khan West Ham a zawma, Hammers tan hian game 80 a khel leh bawk.

Argentine tana vawi 58 inlan thei Zabaleta chuan inkhelh a chawlhsan thu sawiin, “Kum 18 chhung professional footballer ka nih hnuah, inkhelh chawlhsan turin thutlukna ka siam fel,” a ti.

Kum 2012 khan Zabaleta hi PFA Team of the Year-ah a tel a, kum 2018 World Cup khan BBC Sport chuan pundit atan an hmang bawk a ni.