Yodha 4x4 Pick-up LPS Pro Fight chu February ni 11, Thawhtanni zan khan chhunzawm leh a ni a, inhnek bawi 12 a awm. February ni 12, Thawhlehni zanah chhunzawm leh a ni ang.
February ni 11, Thawhtanni zan Results
Bout 12
LIGHTFLY - bout 5
F Lalnunsanga (Saithah) bt Lalrindika (Khawlailung)
= Unanimous Decision (30-27, 29-28, 29-28)
F Lalnunsanga'n a ban seina hmangin a ngila a hnek fuh thin bakah a vai fuh fo va, Lalrindika'n a bei ngawrh hle thung. Langsar zawk Saithah boxer Nunsanga hnekin awmzia a nei zawk a, judge pathum point pekah a chak vek.
Zorinpuia (Thenzawl) bt Henry Lalsangzuala (Venghnuaia)
= Split Decision (29-28, 28-29, 29-28)
A tir lamah Venghnuai tlangval Henry Lalsangzuala a che tha a, mahse, Zorinpuia'n ngam takin a bei tluan a, an inhnek tawk hle. A tawp lamah Thenzawl boxer Rinpuia a nuai hneh a, a hnek chhuak tam zawk bawka a tlang hram.
Malsawmtluanga (Chaltlang Lily Veng) bt Vardingliana (Chamring)
= Unanimous Decision (30-26, 30-26, 30-26)
Chaltlang Lily Veng boxer Malsawmtluanga'n thiamna a nei sang zawk a, inhnek tawn hle mah se a hnek a dik zawk. Round hnuhnung berah Vardingliana a che sual a, hnehna nemnghet nan Sawmtluanga'n chhiar ngaiin a hnek tlu a, inbei tluan zui mah se chiang takin a chak.
Jacob Lalremsanga (Bairabi) bt Lalremruata (Bethlehem)
= Technical Knockout (Round 1, minute 1:45)
Jacob Lalremsanga'n kawng engkimah a awpbet nghal a, a nakah hneksakin Lalremruata a tlu. Tho leh mah se a tanhmun a phet a, inrinniah chakin a mitko tikakin hliam satliah lo tak a tuar. A thi zui leh a, chutih laiin Bairabi boxer Remsanga'n nawrin a hmaiah chiang takin a hnek tlu leh a, Remruata tho leh mah se pawn atangin towel an vawm lut a, round khatna laihawlah an inhnukdawk.
Lalramngheta (Sawleng) bt Thangkhanmunga (Sawleng)
= Split Decision (30-27, 27-30, 29-28)
Sawleng boxer pahnih an inbei tawk hle a, a te zawk Lalramngheta'n a pan a, rang taka a vei leh ding chhuak a hmang tangkai hle. Ban sei zawk Thangkhanmunga'n tawlh takin a ngilin a hnek fuh fo bawk. Mahse, round hnuhnungah Rammgheta a fei a, a pantu zawk leh hnek chhuak tam zawk a ni bawk a, thiamna intluk tawk viau chungin chak phu zawkin a khel.
BANTAM - bout 5
Vanlalruatpuia (Saikhamakawn) bt Khawpuimawia (Hortoki)
= Split Decision (29-28, 29-28, 28-29)
Inhnaih chilhin inhawng takin an inhnek tawn hle a, an tuar dun nasa. Invai tawnah Saikhamakawn boxer Vanlalruatpuia kut a dikin a rang zawk a, mahse, thahrui nei leh tharum ngah zawk Khawpuimawia'n tlo takin a pan tluan a, a tawp lamah Ruatpuia a chau zawk a, a bei let zo mang lo. Mahse, Saikhamakawn tlangval hian thiamna a hmang tam zawk a, a kuttum a langaar zawk bawk a, harsa takin a chak. Khawpuimawia erawh beiseiawm leh uiawm takin a tla.
Zoremsanga Royte (Mamit) bt Rozamliana (Darlawng)
= Unanimous Decision (30-27, 30-27, 29-28)
Mamit boxer Zoremsanga'n a ngilin tlang tha takin a hnek fuh thin a, Rozamliana'n vai chhuakin nawr ngial mah se awmzia a nei tam lo. Thiamna lamah an inkhan lo deuh a, Remsanga'n awpbet thei bik lo mah se harsat liantham tawk lovin hnehna a chang.
Robeinotlia (Siaha) bt K Lalrozama (Zemabawk)
= Technical Knockout (Round 2, minute 2:04)
Zemabawk boxer K Lalrozama a vanduaia round hmasa berah a ban lehlam a vai na a, tlakhniam pahin Siaha tlangval Robeinotlia chuan a nawr zui. Round hnihna tirah chhiar ngaiin Rozama a talbuai a, a inhnukdawk zui.
Isak Rosangpuia (Lunglei) bt Cheuchema (Thaltlang)
= Unanimous Decision (29-28, 30-27, 29-28)
Mittlung khawpin Isak Rosangpuia inlan lo mah se thiamna tlachham Cheuchema'n chet a harsat tluan. Hnek chhuak tlem zawk Isaka hian a hnek fuh zauh zauh a, Cheuchema'n panin hnek a hnek chhuak hle na a, a dik tawm lova a fuh mang lo bawk a, an inhnek a hmuhnawm zo lo.
Lalthlangliana (Khuangleng) bt J Vanlalremsangpuia (Siaha)
= Majority Decision (28-26, 28-26, 27-27)
Thiamna nei zawk Lalthlangliana'n tharumah ngam lo mah se chak theiin a kuttum a chhuak. J Vanlalremsanga'n a tawngpawmg bawh hle a, awmzia erawh a nei tam lo. An inkuah nasat avangin an point paihsak ve ve an ni a, Thlangliana'n eng emaw hlekah tluk a awlsam a, referee Suakchhinga'n round tawp berah a point a paihsak bawk a, chuti chungin a tlang tho.
LIGHT - bout 2
Lalruatfela (Kepran) bt Chatuanlalrohluna (Saichal)
= Unanimous Decision (29-28, 30-27, 30-27)
An innuai tawn viau a, Kepran boxer Lalruatfela'n thiamna a nei zawk tih lantirin a chungnung. An inveng tawn hle a, inhnek fuh langsar a tam lo va, round thumnaah erawh Chatuanlalrohluna tlahniamin phu takin Ruatfela a chak.
Lalnunzawma (Bualpui NG) bt Vanlalruatkima (Bilkhawthlir)
= Unanimous Decision (30-27, 30-27, 30-27)
Zan dar 11 hnuah tawiawmtu nei tha Bualpui NG tlangval Lalnunzawma'n nuam ti takin a khel a, kawng engkimah Vanlalruatkima a thunun. An kutthlak a inthlauvin Ruatkima'n dawng viau mah se a tawp thleng a ding tluan a, Nunzawma'n a hnek chhuah apiangin mipui thawm a tha thei hle a ni.
February ni 12, Nilaini 8:00PM Fixtures
Bout 11
LIGHTFLY - bout 4
Laltlanmawia (New Chalrang) v Zorinpuia (Thenzawl)
Lalrohlua (Kanan) v C Rualthankhuma (Farkawn)
Lalruatsanga (Khawzawl) v Lalchhuanawma (North Hlimen)
David LZ Ralte (Chanmari West) v Jacob Lalremsanga (Bairabi)
BANTAM - bout 4
Lalramzauva (Muthi) v Malsawmdawngkima (Tlangnuam)
Siam Lian Ding (Bawngkawn) v C Vanlalruatsanga (East Lungdar)
F Ramchhuanmawia (New West Phaileng) v Malsawmkima (Muthi)
Lalduhawma Biate (Vaitin) v Zairemmawia (East Lungdar)
LIGHT - bout 3
K Lalzirmawia (Chhingchhip) v Zonunzira (Siaha)
Lalrinfela (Sairang Dinthar) v Lalruatkima (Model Veng)
PC Rosangpuia (Tlangnuam) v Lalawmpuia (Thanhril)