09 Feb 2019 03:13

inkhel

Yodha 4x4 Pick-up LPS Pro Fight Day 4 Results

Yodha 4x4 Pick-up LPS Pro Fight chu February ni 8, Zirtawpni zan khan chhunzawm a ni a, inhnek vawi sawm pahnih a awm. 

Results

LIGHTFLY - bout 4

Henry Lalsangzuala (Venghnuai) bt Chawngthanpara (Bairabi)

= Technical Knockout (Round 3, minute 1:50)

A tir lamah an inhnek tawk viau a, a tawp lamah thahrui nei tha zawk Henry Lalsangzuala'n a thunun. Round thumnaah a hmaiah hnek zawnin Chawngthanpara a buai a, referee Lalruatfeli'n a chhiar a, minute 1:10 a la awm tihin bei zui thei lovin a tlawm.

Lalchhuanawma (North Hlimen) bt Rinthianghlima (Ratu)

= Unanimous Decision (30-27, 30-27, 30-27)

North Hlimem boxer Lalchhuanawma'n a nawr hneh a, langsar thamin a thunun. Ratu tlangval Rinthianghlima'n a bei let zo lo va, dawng hnem viau chungin a tawp thleng a din a, round tinah a khan lo.

Gregor Joseph (Sailulak) bt Lalhmangaihzuala Tlau (Khawruhlian)

= Unanimous Decision (29-27, 30-26, 29-27)

Thiamna pangngai tha pangngai tak nen an inbei tawn a, an rang dun viau bawk. Kut chhuak dik leh a nawrtu zawk Sailulak fighter Gregor Joseph chuan a hnek chhuak tam a, Lalhmangaihzuala Tlau chuan tawlh pahin hnek let tha viau thin mah se a dinhmun a siam zo lo.

Menas Lalnunmawia (Phuldungsei) bt Lalthlamuana (Kepran)

= Majority Decision (28-28, 29-27, 29-27)

Thiamna an nei sang tawk lo ve ve a, a vir ngun avangin Lalthlamuana point paihsak a ni a, a tuar. Menas Lalnunmawia'n nghet tha takin a bei tluan a, hnehna a sual chhuak.

BANTAM - bout 5

Lalramzauva (Muthi) bt R Lalrinpuia (Thuampui)

= Unanimous Decision (30-27, 30-27, 30-27)

Veikhawr Lalramzauva'n dik leh dak tha takin a hnek fo va, Thuampui boxer R Lalrinpuia'n bei let ve ngial thin mah se awmze neiin a hnek tam lo hle. Round tawp lamah Muthi boxer Ramzauva a chungnung leh zual a, phu takin a chak.

Malsawmdawngkima (Tlangnuam) bt Lalsiaka (Tuirial)

= Unanimous Decision (30-27, 30-27, 30-27)

Tlangnuam rawlthar Malsawmdawngkima'n ban sei zawk a nihna tha takin a hmang a, Tuirial boxer Lalsiaka'n ngam takin a bei na a, a hnek chhuak tam lo thei lova harsatna a tawk. Dawngkima'n a ngilin a hnek fuh fo va, awmze nei takin amah nawrtu a lo do let theih avangin round tinah a chingchang.

Siam Lian Ding (Bawngkawn) bt Malsawmdawngliana (Ramthar)

= Unanimous Decision (29-28, 30-27, 30-27)

Siam Lian Ding chuan panin a hnek chhuak tam zawk a, Malsawmdawngliana'n awm hmun atangin a vai thin a, a fuh mang lo. Inhnek fuh chiang leh dik tam lo mah se Bawngkawn boxer Lian Ding chuan thiamna a hmang tam zawk a, a langsar zawk.

F Ramchhuanmawia (New West Phaileng) bt Jordan Lalngaihsanga (Lungleng)

= Split Decision (28-29, 29-28, 29-28)

An inbei tawk hle a, innuai tawn viau mah se inhnek fuh an harsat ve ve hle. Thiamna tha tak an lantir zo lo ve ve a, F Ramchhuanmawia'n a hnek hneh zawk a, inhnek tawk hle chungin Jordan Lalngaihsanga a bet zawk hret a, hmuhnawm thamin an inbei zo lo.

My Roken Sir (Venghnuai) bt Lalhmunsiama (Sawleng)

= Technical Knockout (Round 2, minute 1:55)

My Roken Sir chuan a hnek tlu a, Lalhmunsiama tho leh mah se pawn lam atangin towel an vawm lut a, round hnihna minute 1:55-ah technical knockout-in Venghnuai boxer Roken Sir a chak.

An inhnek hian boruak a neiin a hmuna entu pawh an tam a, a tir atangin tawn hriat nei tha zawk Roken Sir chuan a thunun a, thiamna a nei sang zawk bawk. Sawleng tlangval Hmunsiama'n Pro Fight a khelh vawi khatna a ni a, a che thei lo va, round khat a khel tluan thei hram.

Hlimawm takin an inbei a, Roken Sir chuan nuam ti takin a khel a, round hnihnaah Hmunsiama a chau hle a, a kun reng avangin referee F Lalnienga'n a chhiar. An inbei zui leh a, inveng lovin Hmunsiama a kun a, Roken Sir chuan a vei lamin a vai tlu tawp a, Nienga'n a chhiar hnuah Sawleng boxer tho leh mah se pawn lam atangin towel an vawm lut.

Lawm hlawh takin Roken Sir hian Pro Fight hnuhnung berah Jonathan Hmar a hneh tawh. Tun hi vawi hnih a chakna niin February 14 zanah Lalthuthlungmawia leh Lalrinawma te inhnek chak zawk nen an inbei leh ang.

LIGHT - bout - 3

Zonunzira (New Siaha) bt Lalngaihawma (Zemabawk)

= Technical Knockout (Round 3, minute 2:10)

Zonunzira'n thiamna leh kawng hrang hrangah a thunun hneh hle a, Lalngaihawma'n a bei let zo lova a inveng hneh chuang lo. New Siaha boxer Nunzira'n nuam ti takin a khel a, round thumna tawp lamah Ngaihawma a hawihai hle a, pawn lam atangin towel vawm lutin a tlawm.

Silver Lalropeka (Lawngtlai IV) bt Ramhmasuon (Thuampui)

= Walk over

Ramhmasuon a inlan loh avangin hah lovin Silver Lalropeka a chak.

H Lalnunfela (Thuampui) bt Ramengmawia Fanai (Khuangthing)

= Split Decision (28-29, 29-28, 29-28)

Ramengmawia Fanai chuan hnek chhuak tam mah se H Lalnunfela'n a hnek dik zawk a, langsar bik awm lovin an inbei tluan. Thuampui boxer Nunfela'n thiamna a hmang tha zawk a, derthawng takin a tlang hram.

LPS Pro Fight chu February ni 8, Zirtawpni zan