07 Feb 2019 01:57

inkhel

Yodha 4x4 Pick-up LPS Pro Fight Day 2 Results

Yodha 4x4 Pick-up LPS Pro Fight zan hnihna chu February ni 6, Nialaini zan khan R Dengthuama Hall, Mualpuiah khelh a ni a, inhnek vawi sawm pahnih awm. February ni 7, Ningani zanah chhunzawm leh a ni ang.

February ni 6, 2019 Nilaini 8:00pm : Bout 12 Results

LIGHTFLY - bout 5

JH Rosangpuia (Zemabawk North) bt Vanlalhumhima (Tipa-V)
= Split Decision (29-28, 28-29, 29-28)

Mikhual lo leh ngam tak ve vein an innuai a, JH Rosangpuia'n a hnek chhuak tam a, Vanlalhumhima'n bei ngawrh hle mah se awmzia a nei tam lo. A tawp thlengin an inhnehtawk tluan a, a chak zawk hriatthiam har hle mah se Zemabawk North boxer Rosangpuia a pawng hret.

Malsawmtluanga (Chaltlang Lily Veng) bt Gospel Lalramzauva (Central Jail Veng)
= Technical Knockout (Round 1, minute 1:22)

Malsawmtluanga'n a ding ngilin chiang takin a hnek fuh a, Gospel Lalramzauva'n tuar lovin a thingthi. Referee Zonunmawia'n a chhiar a, Gospel-an bei leh thei mah se Chaltlang Lily Veng fighter Sawmtluanga'n a nawr buai zui a, round khatna laihawlah Zonunmawia'n inhnek a titawp.

Lalmuanpuia (East Lungdar) bt Vanlalduata (Dinthar)
= Technical Knockout (Round 1, second 55)

Thiamna nei sang lo ve ve mah se theihtawpin an inhnek tawn a, vanduaithlak takin Vanlalduata'n a ke a rap sual a, a khel zui thei lo. Round khat khel tluan lovin East Lungdar tlangval Lalmuanpuia a chak.

Lalpektluanga (Darlawng) bt Ramnunmawia Chawngthu (Lungmuat)
= Unanimous Decision (30-27, 29-28, 29-28)

Darlawng boxer Lalpektluanga'n a ban sei zawkna chhawrin a nuai hneh a, Ramnunmawia Chawngthu chuan hnek let fo mah se chet a harsat. An thiam dan a inchenin an inhnek tawk hle a, Pektluanga a langsar hret.

Hmingthanmawia (GSA ITI Veng) bt Lallawmsanga (Saithah)
= Unanimous Decision (30-27, 30-27, 30-27)

Inhawng takin an inhnek tawn a, Hmingthanmawia'n hnek tam zawk viau mah se fei takin Lallawmsanga'n a tawp a thleng a, an invai dun nasa a, a tawp thlengin nung takin an inbei.

BANTAM - bout 4

Gospel Lalramthlana (West Phaileng)
bt Big Boss Lalruatfela Hmar (Bawngkawn)
= Knockout (Round 1, second 46)

Gospel Lalramthlana'n a thunun nghal a, Big Boss Lalruatfela Hmar chuan chhang let ve lovin a kun ringawt. Referee Suakchhinga'n chhiarin a tho chhuak lo hrim hrim a, second 46 chauhah knockout-in West Phaileng boxer Gospel-a a chak.

Henry Lalthazuala Chhangte (Chhipphir) bt Zonunsanga (Khawzawl)
= Unanimous Decision (30-27, 30-27, 30-27)

Thiamna nei zawk Henry Lalthazuala Chhangte chuan inhnek a awpbet tluan a, Zonunsanga'n kawng hrang hrangah a khan lo va, chuti rualin tlo takin a tawp thlengin a bei tluan.

Lalbiakzuala (New Vervek) bt Lalrambeiseia (Rotlang East)
= Unanimous Decision (30-26, 30-26, 30-26)

New Vervek boxer Lalbiakzuala'n chiang takin a hnek zawn nghal a, Lalrambeiseia chiaiin referee F Lalnienga'n a chhiar. Biakzuala'n a nawr zui nasa a, mahse, Beiseia a talbuai zui lo va, tuar tamin bet zawk mah se a tawp thlengin a ding tluan thei.

Lalduhawma Biate (Vaitin) bt Lalhmingthaa (Maite)
= Split Decision (29-28, 27-30, 29-28)

An inhnek fuh tlemin an inveh nasa a, an hnek a tha tawk lo ve ve a, awmze beiin an hnek chhuak tam lo. Lalduhawma Biate chuan a ngilin a hnek fuh zauh zauh a, Lalhmingthaa'n chakpui tham ralthuam a nei ve lo va, a tuar ta a ni.

LIGHT - bout 3

Hmangaihpara (Hortoki) bt K Lalrinfela (Khawzawl)
= Unanimous Decision (30-27, 30-27, 29-28)

Hmangaihpara'n huaisen tak leh nghet tha takin a bei a, K Lalrinfela'n a ban seina a hmang thei lova round tinin a bet zawk hret zel. An inbei tawk viau a, chutih rualin bei ngawrh zawk leh awmze neia hnek hnem zawk Hortoki tlangval a dingchang.

Lalrinfela (Sairang Dinthar) bt Lalmalsawma (Tuivamit)
= Technical Knockout (Round 2, second 1)

Thiamna kawng engkimah Lalrinfela'n a thunun hneh hle a, Lalmalsawma'n a dawng nasaa round khat a ding tluan hram. Round hnihna tan a nih rualin a inhnukdawk a, awlsam takin Sairang Dinthar boxer Rinfela a tlang.

Lalawmpuia (Tanhril) bt Thangsawmliana (Champhai)
= Unanimous Decision (30-27, 30-27, 30-27)

Thangsawmliana a tawngpawng nawr viau a, veikhawr Lalawmpuia'n a ngilin dik takin a chhang let fo. Round hnihna atangin Tanhrilh boxer Awmpuia a chungnung leh zual a, Sawmliana'n beih let a harsat a, a tawp lamah phei chuan Awmpuia a chungnung tawh hle.

(adsbygoogle = window.adsbygoogle || []).push({});