06 Jun 2019 05:56

Inkhel

Mizo Sports Website hmasa ber

​YMA Football Tournament July ni 1 atangin

Central YMA leh Mizoram Football Association tang dun chuan 1st July, 2019 atangin SUZUKI GIXER 250, 25th Inter Branch YMA Football Tournament 2019 a buatsaih dawn. Entry fee hi Rs. 500 niin; June ni 25 ral hma ngeiin Central YMA Office-ah pek theih a ni dawn a, June ni 28 zan dar 8-ah CYMA Hall-ah kick off a ni ang.

Kum 2017 khan Inter Branch YMA Football Tournament hnuhnung ber neih a ni a, Ramhlun South chu champion lai niin kumin hian champion thar an awm dawn em? Ramhlun South hian an title an humhim dawn em? A hmuhnawm leh pek dawn kher mai. Mizoram Football tournament-ah chuan YMA Football tournament aia ngaihhlut hi a awm kher lovang, Mizoram World Cup ti hiala sawi thin kha a ni a.

Tournament-a tel turte tan hriattur pawimawh te:

1. Branch khat atangin Team 1 tel theih a ni a, thingtlang - Jt. YMA dinnaah Branch YMA

mal anga an tel thei lo a nih chuan Joint YMA hminga chhuah theih a ni ang. Jt. YMA

hminga an tel tawh chuan a huamchhunga Branch-te chu Branch mal hmingin an tel

thei tawh lovang.

2. Team khatah mi 25 (20+5) an ni ang a, Squad thehluh tawh chu tihdanglam theih a ni

tawh lovang.

3. Player-te chuan an awmna Branch-ah ngei an khel tur a ni a, Players chungchangah

inchuh buai/inhnial buaina a awm chuan, chu player chuan AIFF/MFA/DFA leh

Zone-a a registration Home Address-ah a khel ang.

4. Mizoram pawna Group YMA-te chu Group YMA hminga chhuah phal a ni.

5. A theih chin chinah MFA Technical Rules hman a ni ang.

6. Organising Committee-in atul angin, atul hunah thu tawp a siam ang a, Player chungah

action lak ngai a awm a nih chuan Disciplinary Action Committee-in action a la ang.

7. Entry Fee pek rualin Branch/Joint YMA President/Secretary Contact No. thehluh tel tur

a ni.