Kum 2017 leh 2018 season atan Yamaha Motor Co., Ltd chuan Maverick Viñales chu Movistar Yamaha MotoGP team-ah an lakluh thu an puang.
Suzuki rider Maverick Viñales hi tun season Moto GP World Championship-ah 5-na a ni mek a, kum thar atang chuan vawi 9 lai World Champion lo ni tawh Valentino Rossi nen team khatah an awm dawn ta a ni.
Figueres, Spain-ah January ni 12, 1995 khan Maverick Viñales hi a piang a, kum 2011 khan 125cc Class-ah bul a tan, Kum 2013 khan Moto3™ World Championship-ah pakhatna a ni a, kum 2011 khan 125cc-ah Rokie of the Year atan thlan a ni a, 2014-ah Moto2 a luhchilh a, kum 2015-ah Moto GP-ah a lut ta a ni.
Rossi-a partner thin Jorge Lorenzo chuan Ducati a zawm a, Andrea Iannone chuan Ducati a chhuahsan a, Dovizioso erawh a la cham dawn a, season tharah chuan Dovizioso leh Lorenzo te chu team khatah an awm dawn ta a ni.
Pictures credit : motogp.com