Thawhtanni zing khan Barclays Center, New York-ah WWE Specials Summerslam neih zawh a ni a, main event-ah Roman Reigns-a chuan Brock Lesnar chu pinfall-in a hneh a, Universal Champion a ni zui ta bawk. Wrestler pahnihte intum tan tak tak hmain Braun Strowman a inlan thuta, Mr.Money in the Bank winner anih angin champion lai a duh hunah tak a tum thei miau a, mipui lam thawm pawh a ring tha hle. Wrestler pahnihte hi vawi tam tak an inbei tawha, an inbei leh tur pawh hian ngaihven a hlawh zual hle.

Lesnar-a hian an inbeih chhungin a tharum chakna a hmang tangkai viau a, wrestler pahnihte hi an tuarchhel dun bawka, tlawm mai an tumlo. An intum chhung hian Braun Strowman-a chuan Money in the Bank cash-in inring rengin a awm nen, Lesnar erawh chuan Strowman a duhthusam a thlenloh nan a finishing move lar tak F5 hmangin a paih thlu a, ring chhunga a lut leh chiah chu Reigns a spear a dawng fuh ta hlauh maia, Reigns-a hian bawhbet zui nghalin, pinfall-in a chak zui ta bawk.

Raw Women's Championship-ah Ronda Rousey-i chuan Alexa Bliss submission-in a hneh bawka, UFC Champion hlui Rousey-i hian WWE lamah pawh a hming a chher zui ta hle. WWE Championship inbeihna ah hian Samoa Joe-a chuan AJ Styles a hneh bawka, nimahsela disqualification hmanga a chak miau avangin Styles a champion zui ta tho a ni.

Intercontinental Championship-ah Seth Rollins-a chuan Dolph Ziggler a hneh bawka, U.S Championship-ah Shinsuke Nakamura leh Jeff Hardy an inbei a, Nakamura-a'n harsatna lian tham tawk lovin title a humhim. Smackdown Women's Championship-ah Charlotte Flair-i chu champion thar a ni bawk.

Matches

Roman Reigns def. Brock lesnar- WWE Universal Championship

Ronda Rousey def. Alexa Bliss- Raw Women's Championship

Shinsuke Nakamura(c) def. Jeff Hardy(US Championship)

Finn Balor def. Baron Corbin via pinfall

The Miz def. Daniel Bryan

Samoa Joe def. AJ Styles via disqualification(Styles retain title)

Charlotte Flair def. Carmella and Becky Lynch( Smackdown Women's Championship)

Braun Strowman def. Kevin Owens

New Day def. Bludgeon Brothers(c) via disqualification(Bludgeon Brothers retain title)

Seth Rollins def. Dolph Ziggler(Intercontinental Championship)

The B Team(C) def. The Revival(Tag Team Championship)

Cedric Alexander(C) def. Drew Gulak(Cruserweight Championship)

Andrade "Cien" Almas and Zelina Vega def. Rusev and Lana