Thawhtanni zing khan San Antonio, Texas-ah WWE pay per view Hell in a Cell a chhuak a, main event-ah Roman Reigns leh Braun Strowman te chuan Universal title inchuhna an nei a, rin loh tak maiin Universal Champion hlui Brock Lesnar a rawn inlan thut maia, wrestler pahnihte hi a finishing move F5 hmangin a sawisa zui a, chak zawk awm lovin champion lai Roman Reigns-a chu Universal Champion a ni chhunzawm.

WWE Championship match-ah Aj Styles leh Samoa Joe an inbei bawka, Aj Styles-a hi Joe-a finishing move Coquina Clutch lakah a tapout hman a, referee-in a hmu lo hlauh maia, Styles-a hian remchang ah hmangin pinfall-in a chak leh ta thung. Match zawh hnu hian Samoe Joe a lungawi lo hle nghe nghe a, WWE pay per view dangah an intum leh a rinawm hle.

Raw Women's Championship match-ah Ronda Rousey leh Alexa Bliss an intum bawka, submission-in Rousey-i hian a title a humhim chhunzawm. Smackdown Women's Championship-ah Becky Lynch leh Charlotte Flair an inbei bawka, Becky Lynch-i champion thar a ni bawk.

Raw Tag Team Championship-ah Dolph Ziggler leh Drew McIntyre te chuan Dean Ambrose leh Seth Rollins lakah an title an humhim. Smackdown Tag Team Title inchuhna ah pawh The New Day te chu champion an ni zui bawk. Mixed tag team championship match-ah The Miz leh Maryse te chuan Daniel Bryan leh Brie Bella an hneh bawka, Randy Orton-a chuan Jeff Hardy lakah hnehna a chang bawk.