Ni 12.3.2018 (Thawhtanni) hian WWE Pay per view nghahhlelhawm tak Fastlane a chhuak dawn, India ram atang chuan Sony Ten 1 channel-ah zing dar 5:30 atangin a en theih ang. Main event-ah AJ Styles chuan WWE Superstar 5- te lakah a title humhim a tum dawn a, an zinga chak ber hian Wrestlemania-ah Nakamura an hmachhawn ang.
Women's Championship match-ah Champion-lai Charlotte leh Ruby Riott an intum bawk ang. U.S Champion Bobby Roode chuan WWE Champion hlui Randy Orton a hmachhawn dawn bawk a, U.S Championship a ni thung ang.
Tag Team Championship : The Usos (c) vs. The New Day
Tag team match hmuhnawm tak a nih rin a ni a, mipui tam takin an nghakhlel tawh hle bawk. Tag team tha kan sawi apiangin 'The New Day' kan sawi lo thei lo. Chutih laiin 'The Usos' tag team combination that zia lah hmuh hmaih chi a ni hauh lo. Wrestling legend ropui Rikishi-a fate hian fiahna hautak tak an paltlang dawn a, he match-hi a hmuhnawm dawn chiang e.
United States Championship : Bobby Roode(c) vs. Randy Orton
WWE Superstar ropui kan sawi apiangin Randy Orton-a hming kan sawi lo thei lo. WWE title zawng zawng a la kim deuh vek tawh a, U.S Title deuh chiah hi a lak loh chhun a ni. Champion lai Bobby Roode-a title hi chhuhsak a tum hle a, chutih laiin T.N.A World Heavyweight Champion hlui Bobby Roode-a title chhuhsak erawh a awlsam thei lo. WWE fans tan thlir a chakawm tawh a, match ropui tak a ni dawn chiang e.
Women's Championship : Charlotte Flair(c) vs. Ruby Riott
WWE wrestler tha kan sawi apiangin 'Charlotte Flair' hming hi kan lam tel ziah ang. A pa 'Ric Flair' atang tawhin wrestler chhungkua atanga seilian a ni a, a pa pawh hi World Champion a lo ni tawh thin a, wrestling lamah chuan a mikhual lo hle a ni. Nimahsela a hmachhawn tur Ruby Riott-i erawh a duai biklo. WWE hmeichhe wrestler tha ber huangah a dah theih ngei ang. Match ropui tak a ni dawn chiang a, en loh atan chuan a uihawm lua e.
WWE Championship : AJ Styles(c) vs. John Cena vs. Kevin Owens vs. Sami Zayn vs. Baron Corbin vs. Dolph Ziggler
Main event hian ngaihven a hlawh tak zet a, en loh phal chi a ni lo. Aj Styles chuan WWE Superstar panga lakah a title humhim a tum dawn a, match hautak tak a ni ngei ang. A hmachhawn tur zingah hian world champion hlui 3 ngawt an awm a, chungte chu John Cena, Dolph Ziggler leh Kevin Owens te an ni. Styles-a hian match hautak tak a paltlang dawn chiang e. World Champion title la kawl lo Baron Corbin leh Sammy Zayn te pawh hi an nep hauh lo. Corbin-hi 'Mr. Money in the Bank' te pawh a lo ni tawh thin a, title dang pawh a lo la tawh thin bawk. Challenger Sammy Zayn pawh hi NXT Champion te pawh a lo ni tawh thin a, match hmuhnawm loh a nei khat hle bawk. He event lo awm tur hi i en lo phal dawn em ni?