WWE atangin Nikki Bella a chawl

25th March 2019, 08:03PM

WWE diva lar Nikki Bella chuan kum 12 chhung a lo luhchilh tawh WWE atanga a chawlh thu a puang.

Kum 35 mi Nikki hian a nau Brie Bella hnung zuiin WWE a chawlhsan ve ta a, a chawlh thu hi reality show 'Total Bellas' season finale-ah a puang.

WWE-a Nikki match tawp ber hi nikum October-ah khan a ni a, hemi tum hian Raw women’s champion Ronda Rousey chu Evolution-ah a hneh lo. Nikki hian WWE bakah eizawnna dang a nei nual a, clothing brand leh wine label te pawh neiin, hengte hi a chhunzawm dawn a ni.

Nikki hi WWE-a a cham chhungin WWE Divas Champion vawi hnih a ni hmana, WWE in diva an neih tawh zingah lar ber pakhat a tih theih awm e.

WWE superstar John Cena nen kum 2012 atang khan inngaizawngin, kum 2017 khan an inhuala, mahse kum 2018 khan Cena nen an inhualna hi an sut leh a, tunah hian Russian lam thiam Artem Chigvintsev nen an inngaizawng mek.

WWE lamah Nikki ti a hriat lar ni mahse a hming tak tak chu Stephanie Nicole Garcia- Colace a ni a, Brie Bella nen phir an ni. Sky Sports chuan Nikki Bella hi tun kum 20 liamta chhunga WWE diva neih tawhte zinga lar ber pakhat a nih thu a tarlang nghe nghe a ni.

Copyright © inkhel.com 2024. All rights reserved.