23 Sep 2019 07:35

inkhel

WTA ranking-ah Ashleigh Barty a la chungnung ber

Ashleigh Barty chu tun hnaia hmeichhe tennis ranking thar berah pakhatna a la ni zel a, pahnihna dinhmun luahtu Karolina Pliskova chuan a hnaih sawt hle.

Australian tennis star Ashleigh Barty hi World No. 1 ni chho zel tur chuan Wuhan Open-ah a chet that a ngai dawn hle a. Wuhan Open first round-ah Caroline Garcia a hmachhawn dawn a, tuna ranking tharah hian Barty hi a hnuai chiaha awm Pliskova aiin point 321 in a sang mek a ni.

Kum 27-a upa Karolina Pliskova hi tun hnaiah a che tha chho viau a, tun thla tirah khan Zhengzhou-ah pawh a champion a. Hetih lai hian Ashleigh Barty ve thung chu duhthusamin a che tha lo a, season tirah French Open title a lak bakah Birmingham-ah title a la leh a, hei bak hi chu chuti takin a che fuh zui vak lo.

Kumin July thla leh August thlaah Ashleigh Barty hi World No. 1 a ni a, September thla tirah khan a chungnung berah hian a awm leh bawk a. Czech Republic star Karolina Pliskova chu 2017 nipui hnuah World No. 1 hi a la ni miah lo a ni.

Tun tuma WTA ranking thar berah hian Top 10 chin chu engmah inthlak danglam a awm lo a ni.

WTA rankings (September 23)

1. Ashleigh Barty (AUS) 6,446 pts

2. Karolina Pliskova (CZE) 6,125

3. Elina Svitolina (UKR) 5,160

4. Naomi Osaka (JPN) 5,011

5. Bianca Andreescu (CAN) 4,835

6. Simona Halep (ROU) 4,803

7. Petra Kvitova (CZE) 4,326

8. Kiki Bertens (NED) 4,225

9. Serena Williams (USA) 3,935

10. Belinda Bencic (SUI) 3,738

11. Johanna Konta (GBR) 3,073

12. Angelique Kerber (GER) 2,835 (+3)

13. Madison Keys (USA) 2,827 (+3)

14. Aryna Sabalenka (BLR) 2,785 (-1)

15. Sloane Stephens (USA) 2,769 (-1)

16. Qiang Wang (CHN) 2,668 (-4)

17. Sofia Kenin (USA) 2,630 (+3)

18. Caroline Wozniacki (DEN) 2,597 (-1)

19. Anastasija Sevastova (LAT) 2,517 (-1)

20. Anett Kontaveit (EST) 2,500 (-1)