Singapore-a WTA Finals khelh mekah Venus Wiliams chuan Garbine Muguruza vawthlain semi-final a lut.

Kum 37 mi Venus hian 7-5, 6-4 in Wimbledon-a champion lai Muguruza hi a hneh a, White Group ațangin Karolina Pliskova nen semi-final an lut.

Semi-final lut chiang tawh Pliskova hian round-robin stage-a a game hnuhnung ber khelin Jelena Ostapenko a hneh lo va, Ostapenko hian 6-3, 6-1 in hnehna a chang.

Muguruza hnehtu Venus hian Caroline Wozniacki leh Caroline Garcia inkhela chak zawk zawk a hmachhawn ang.

World number one Simona Halep pawhin Elina Svitolina a hmachhawn leh dawn a, an pahnih hian semi-final an la lut thei ve ve a group match an khelh zawhah an dinhmun a chiang dawn a ni.

* Pic: Reuters