Hollywood actress Blake Lively chuan Welsh club Wrexham training kit chu season thar atangin a sponsor dawn.

Lively pasal Ryan Reynolds hi Wrexham co-owner a ni a, a pasal football club-ah Lively hi inhnamhnawih chhoh ve telh telh a tum niin a lang.

Kum 35 mi Lively hian drinks company Betty Buzz a nei a, hemi hming hian season thar atangin EFL League Two khel tura inpet tling Wrexham training kit a sponsor dawn a ni.

Betty Buzz hi Wrexham team hrang hrang training kit zawng zawngah season thar atangin a chuang dawn a, Wrexham hmeichhe team kawr banah a chuang tel bawk ang.

Tun season khan National League-ah Wrexham hi an champion a, kum 15 zet EFL pawna an awm hnuah, season thar atangin EFL League Two an khel dawn.

Wrexham hi club hlun tak a ni a, kum 1864-a din niin, Wales rama football club upa ber a ni a, khawvela professional association football team upa ber pathumna a ni bawk a ni.