Thawhtanni zing khan New Jersey, USA-ah WWE event ropui ber Wrestlemania 35 neih zawh a ni leh ta a, a hmunah hian mipui 82, 265 laiin an en a, mipui lamin an nghahhlelh tawh ang ngeiin match pawh a hmuhnawm hlawm hle. Main event-ah Becky Lynch-i chuan Ronda Rousey leh Charlotte Flair hnehin Raw leh Smackdown Women's Champion a ni a, Finn Balor-a chuan Bobby Lashley hnehin intercontinental champion thar a ni bawk. Samoa Joe-a chuan Rey Mysterio lakah submission-in a chak bawk a, US Champion a ni chhunzawm. Kofi Kingston-a chuan Daniel Bryan hnehin WWE Champion thar a ni bawk a, Seth Rollins leh Brock Lesnar an innuai bawk a, pinfall-in Rollins a chak a, Universal Champion a ni zui.
Main event; Becky Lynch def. Ronda Rousey and Charlotte Flair(Raw and Smackdown Women's Championship)
Wrestlemania-a hmeichhe wrestler ten an main event hmasa ber a ni bawk a, mipui lam atangin an nghakhlel tawh bawk a, wrestling match hmuhnawm tak ni tura beiseina a sang viau. Match tan anih phat atangin boruak a sosang nghal hle a, Ronda Rousey-in a tharum chakna a hmang tangkaiin a tumpuite a paih thlu leh thin. A rei deuh hnuah Becky Lynch leh Charlotte Flair-i ten nalh takin an counter leh thin. An finishing move hman an tum hlawm viau a, an duh ang erawhin an che thei hlawm lova, chak tur rinthiam a har hle. Hun rei tak an khelh hnuin Ronda Rousey-i'n Piper's Bomb hmanga Becky Lynch-i hneh ngei a tum hle a, nimahsela Lynch-i'n nalh deuhin a keuh let ta zawk a, pinfall hmangin a chak zawk ta thung. Heti hian Becky Lynch-i hi pinfall hmanga Ronda Rousey hneh thei hmasa ber a ni a, a rualin Raw leh Smackdown champion a ni nghal bawk.
Finn Balor def. Bobby Lashley(Intercontinental Championship)
Intercontinental Championship match a ni dawn bawk a, ngaihven a hlawh hle nghe nghe. Balor-a'n chiang zet maia a powerbomb hnuin a finishing move a hmang zui, pinfall-in a chak zui a, intercontinental champion thar chu Finn Balor a ni ta.
Baron Corbin def. Kurt Angle
Kurt Angle-a WWE match hnuhnung ber a ni a, match rei tak pawh an khel hman meuhlo. Match tir lamah Kurt Angle-an german suplex a hmang nasa hle a, a tawpah erawh Corbin-an a finishing move hmangin a hneh thung. Kurt Angle chuan WWE a chawlhsan tawh dawn a, a match hnuhnung berah hnehna a chang zo ta lo a ni.
Triple H def. Batista
Mipui lamin an thlir chak tawh bawk a, match ropui tak ni ngei tura beiseina pawh a sang viau. Wrestler pahnihte an indim lemlo hle a, tlawm mai erawh an tumlo hle thung. Hun eng emaw chen an intum hnuin Ric Flair-a'n HHH sledge hammer a rawn pe a, chiang zet maiin HHH-an a chhu zui a, pinfall hmamgin HHH a chak zui.
Roman Reigns def. Drew McIntyre
Roman Reigns-a'n hun eng emaw chen thisen cancer a neih hnuah a tha chhuak a, a rawn kir lehna ah wrestler tawnhriat ngah Drew McIntyre a hmachhawn nghal. Match rei tak pawh an khel hman lova, Reigns-an chiang zetin a spear, pinfall hmangin a chak zui nghe nghe.
Samoa Joe def. Rey Mysterio(US Championship)
Match rei tak pawh a ni lo. Mysterio-an a chet ranna a hmang tangkai viau a, tawnhriat ngah tawh Samoa Joe-an chiang taka a submission hmanga a man fuh hnuah erawh champion lai Samoa Joe a champion chhunzawm.
Kofi Kingston def. Daniel Bryan(WWE Championship)
Mipui lamin Kofi Kingston an tan hle a, chak ngei tur pawhin an duh. Daniel Bryan-a'n a khawih fuh tumin 'boo' a ring thei hle a, Kingston-an a khawih fuh erawhin mipui an lawm thei hle thung. Bryan-an submission hmangin a man fuh leh thin, Kingston erawh tlawm a tumlo nasa. Bryan-a'n chiang zet maia a flying knee hnuah pawh Kingston a la tlawm chuanglo. A tawpah erawh Kingston-an a finishing move a hmang, bawhbet zui nghalin champion thar chu Kofi Kingston a ni ta.
Seth Rollins def Brock Lesnar(Universal Championship)
Ring chhunga Seth Rollins a rawn luh dawn veleh Brock Lesnar-a'n a bei vak a, ring pawnah a finishing move F5 hmangin a paih thlu. Hemi hnu hian a sawisa zui nghal char char. Rei vaklo hnuah match tan a ni zui a, referee hmuhloh laiin Rollins-a'n low blow a hmang. Hemi zawh hian curb stomp a hmang zui mawlh mawlh a, bawhbet zui nghalin pinfall hmangin a chak a, Universal Champion thar chu Seth Rollins a ni ta.
Shane McMahon def. The Miz
Wrestler rothap tak an ni bawk a, mipui lam pawhin an nghakhlel tawh hle. Match rei tak an khelh hnuin Shane McMahon a chak ta thung.
AJ Styles def. Randy Orton
Wrestler tawnhriat ngah tak an ni dun bawk a, World Champion hlui an ni dun bawk a, chak zawk tur rinthiam a har hle. Randy Orton-a'n a finishing move RKO hman a tum thin, nalh tak maiin AJ Styles-a'n a counter leh thin. Rei tak an intum hnuin a finishing move RKO a hmang thei, Styles erawh a tlawmlo thung. A tawpah erawh forearm finisher hmangin AJ Styles a chak ta thung.
The Iconics def. Sasha Banks and Bayley, Beth Phoenix and Natalya, Tamina Snuka and Nia Jax(Women's Championship match)
Hmeichhe tag team championship match-ah wrestler tha tak tak an inlan nual. Match rei tak neih anih hnuin 'The Iconics' an chak a, hmeichhe tag team champion an ni zui ta bawk.
The Usos retains Smackdown Tag Team Championship
Tag team ropui kan sawi apiangin The Usos kan sawilo thei awm lo e. Hun eng emaw chen an khelh hnuin; team ropui an nihzia an lantir a, Wrestlemania 35-ah champion an nihna an humhim chiang hle.
Zack Ryder and Curt Hawkins def. The Revival(Raw Tag Team Championship)
Tag team championship match hmuhnawm takah Curt Hawkins leh Zack Ryder tangdun leh The Revival an intum a, hun eng emaw chen an intum hnuin Hawkins leh Zack Ryder tangdun chuan pinfall hmangin The Revival an hneh bawk.
Braun Strowman wins Andre the Giant Battle Royal
Wrestler rothap tak tak an inlan nual a, mipui lam atangin thawm a ring tha hle. A tawpah erawh Brawn Strowman a chak ta thung.
Carmella wins Women's battle royal
Hmeichhe battle royal hmuhnawm takah wrestler hmeichhe tha leh rothap tak tak an inlan nual. Match rei tak neih anih hnuin WWE Women's Champion Carmella-i a dingchang ta berin a trang ta thung.
Tony Nese def Buddy Murphy(Cruserweight Championship match)
Match hmasa ber a ni bawk a, mipui lam atang pawhin boruak a sang tha hle. Rei tak an intum hnuin Tony Nese chak zawkah a trang ta, WWE Cruserweight champion thar chu Tony Nese a ni zui ta bawk.
