03 Oct 2020 05:01

inkhel

World Taekwondo Championship-ah Inelna chi thar a awm dawn

COVID-19 hrileng avangin World Taekwondo (WT) chuan Taekwondoist hmakhaw ngaiin enchhinna hrang hrang a neih hnuah Online World Taekwondo Poomsae inel dan tur thar a duang chhuak ta. 

He inelna lian tham tak tur hi November 15 atanga December 2020 chhung a buatsaih tur hi a ni dawn a. Live a pekchhuah a ni bawk ang.

(adsbygoogle = window.adsbygoogle || []).push({}); He thu hi WT President Chungwon Choue -in India Online Taekwondo Poomsae championship tuna buatsaih mek hawnna inkhawmah a puang a, chhungkaw lungrualna leh inpawh nan Taekwondo hi kan hmang thei a ni a ti. Sawmna lehkha an thawnchhuah nghal thu a sawi bawk.

Inelna tur hi WT G2 leh WT OPEN a niin WT chuan a ngaih pawimawh danah Grade 2 a pe nghal a. Olympic 2021 inelnaa telh tur Regular leh Freestyle Poomsae hmanga inel tur a ni ang.

WT G2 ah hian Ram khat atangin aiawh 1 zel tel tur a ni ang a. Individual, pair leh team inelna a awm ang a. India Taekwondo in aiawh tur National Online Championship a buatsaih mek atang hian a thlang chhuak ang.

WT Open erawh chu open anih angin National Federation in rem a tih zat Individual, family pair & team an tel thei ang. Family Pair & Team poomsae hi WT hian hrileng avanga inkhung ngaih hun lai atan thil thar an rawn duan chhuah thar chu ani.

Pair leh team a khel tur chu Chhungkua mi ngei pafa emaw Putu an ni tur a ni. Thlah khat an ni ngei ni ngei tur a ni bawk.

WT hian Inelna hi a thupui ber a ni ngai lova. Hmalakna kawng hrang hrang neiin enkawltu bik Department hrang hrang a nei a. Mihring dikna chanvo humhalh kawngah te, Raltlante tan te, Pianpunga rualban lo tan te, Zirna hmasawnna tur Research lamah te, Remna tura hmalakte leh Ram leh ram in thian thatna turte in hma a la tel bawk ani.

Nakkum 2021 Japan Olympic Games lo awm turah pawh hian tunlai takin competition dress pawh siam ani dawn a. WT hian Thangthar duh zawng leh hip tur zawnga an kalpui thiam zel avang hian Martial Arts khawvel mai bakah infiamna thang chak berte zinga chhiar tel a ni tawh reng a ni.

(adsbygoogle = window.adsbygoogle || []).push({});