Cincinity Masters khelh mekah tennis player ropui Roger Federer chu a chak lova, third round a paltlang zo lo.

Cincinnati-ah hian Federer hian third round-ah  world no.70 kum 21 mi Russian player Andrey Rublev chu straight sets-in a hneh lova, world no.70 Rublev hi 6-3, 6-4 in a chak.

Rublev hian darkar khat chhung velin Federer hi a hneha, Quarter-final lutin, Quarter Final-ah hian Russian player tho Daniil Medvedev a hmachhawn ang.

Tun thla tawp hian US Open khelh a ni dawn a, inbuatsaih nan Federer hian Cincinnati-ah vawi hnih chiah a khel hman tihna a ni a, Rublev a hmachhawn hma hian Juan Ignacio Londero a lo hneh tawh.

Rublev a hneh loh chungchang sawiin Federer chuan, “Rublev kha a khel tha hle a, ka che hleithei lo a ni ber. Ka tan game harsa tak a ni a, a tan gama tha tak a ni ve thung. Kha aia khelh thaa kha ka inbeiseia, mahse a game kha a tihkual thiam em em a, a che sual duh lo a ni,” a ti.

Rublev chuan Federer a hneh chungchang sawi ve in, “Legend Federer ang kan tum chuan a nawm dan a danglam em em a, tantu a tawp thlengin a ngah hle. A mah ang hi engtik niah emaw chuan nih theih ve ka duh. Tun tuma kan inkhelh khan ka theih anga thaa khelh ka tum tawpa, point zawng zawng kha a tawp thlenga khel turin ka rilru nghet takin ka siam fel a ni,” a ti.