World no.1 Belgium an chak

16th November 2018, 06:11PM

UEFA Nations League khelh chhunzawm a ni a, FIFA ranking thar bera pakhatna Belgium an inlan bakah Spain leh Croatia-te pawh an inlan.

Belgium hian Iceland hmachhawnin 2-0 in hnehna an changa, goal hnihte hi Chelsea player, Valencia-a loan-a khel mek Michy Batshuayi-a thun ve ve an ni. Inkhelah kawng engkimah World no.1 Belgium an chungnung zawk a, shots hi 21 neiin, Iceland lamin 6 chiah an nei thung. Possession-ah pawh inthlau hle in Belgium chuan ball possession 67% lai an neih laiin Iceland hian 33% chiah an nei.

Belgium hi group hmahruaitu niin, khelh thumah point kua an hlawhchuak tawha, hnehna na la chang vek. Iceland hian khelh li ah point hlawhchhuah an la nei lova an tla fel tawh a, Switzerland chuan khelh thumah point ruk hlawhchhuak tawhin pahnihnaah an awm bawk.

Nations League inkhel dangah kumin World Cup finalist Croatia chuan Stadoin Maksimir-ah Spain lo mikhualin Croatia hi 3-2 in an chak.

Croatia tan Andrej Kramaric chuan goal khat a khunga, Tin Jedvaj chuan goal hnih a khug bawka, Croatia hian Jedvaj-a goal hnihna hi an chakpui ta a ni. Spain tan Dani Ceballos chuan goal a khung a, Sergio Ramos chuan penalty spot atangin goal khat a khung ve bawk.

Spain hian khelh li ah point ruk hlawhchhuak tawhin group hmahruaitu an ni a, Croatia leh England-te chuan khelh thumah point li ve ve hlawhchhuak tawhin England chu pahnihnaah an awma, Croatia hi a hnuai berah an awm. England leh Croatia-te hi Sunday lo awm tur hian an game li na khel turin an inhmachhawn ve leh dawn a ni.

Copyright © inkhel.com 2024. All rights reserved.