England boss Gareth Southgate chuan FIFA Rankings-a no. 1 nih a duh thu a sawi chhuak a, Three Lions hian Euro 2024 an qualify tawh a, zanin hian Qualifier match-a an game hnuhnung ber an khel dawn.

An game hnuhnung berah hian England hian North Macedonia an hmachhawn dawn, hetah pawh hian hnehna chan a duh a, draw ringawt pawh nise top seeds an chang tawh dawn tho tho a ni.

"Rankings-a a chung ber ni tur chuan tihsual kan nei tur a ni lo a, ho mai maiin kan khel tur a ni lo. Engtik lai pawhin a tha thei ang berin kan khel reng tur a ni," tiin Gareth Southgate chuan a sawi.

World Cup winner Argentina chu FIFA rankings-a pakhatna ni mek an ni a, France chuan dawtin, Brazil chu pathumna an ni a, Three Lions hi palina niin, kum 5 chhung chu top 5-ah an awm ta.

FIFA Rankings thar ber tihchhuah hunah England hi pathumna an ni ngei dawn a, November ni 30-ah puan a ni ang a, hetah hian England chuan Brazil an khum dawn a ni.

"World No. 1 nih i duh em? min ti se, kei chuan aw ka ti ang. A chhan chu team ngelnghet tak nih ka duh a, tournament thlenga tha taka khelh ka duh. Tournament-ah hian points a sang bawk a, sang zawkah kan invawrh thei ang.

"Tin, rankings-a a chung ber kan nih chuan, kan training leh mual chhunga kan che vel reng reng hi a danglam dawn a, chu chu ka duhthusam a ni. Thla tawpah chuan pathumna kan ni chho dawn a, mahse kan chungah pahnih an la awm dawn, hun kan khawhral thiang lo a ni," tiin Southgate chuan a sawi bawk.