Wolfsburg-in De Bruyne hralh an phal lo.

German club Wolfsburg chuan an midfielder Kevin de Bruyne chhuahtir an phal lo va, contract thar ziahpui mai an rilruk.

Belgian midfielder De Bruyne hian kum 2014 January thla khan kum 2019 thleng daih tur contract ziakin Wolfsburg hi a zawm a, season liamta khan a che tha hle.

Wolfsburg director of sport Klaus Allofs chuan an midfielder chungchang hi sawiho an duh thu leh contract thar ziahpui mai pawh an hnial loh thu a sawi.

Allofs chuan, "Kevin hian kum 2019 thleng daih contract a nei a, hralh kan phal lo tih a hriat. Kan club-ah a awmzui zel ang a, a contract pawh kan en nawn ang." tiin German broadcaster Sport1 a hrilh.

Kum 24 mi De Bruyne hian season liamta khan DFB Pokal-ah Wolfsburg hi a champion pui a, Bundesliga-ah thiante pet goal tura siamsak vawi 21 neiin goal 10 a khung a pahnihna an ni.

Bundesliga Young Player of the Year pawh lo ni tawh hian Belgium national team tan game 30 khelin goal 7 a khung tawh bawk a ni.