22 Jan 2018 06:25

inkhel

Winter Olympics-ah North Korea an tel dawn

South Korea-in an thlen tur Winter Olympics 2018-ah North Korea chu infiammi 22 tirin infiamna chi thumah an tel ve dawn.

Winter Olympics hi February thla hian South Korea-a Pyeongchang-ah neih tur a ni a, North Korea hian South Korea nen inremna an siam hnuin tel ve hi an remti.

International Olympic Committee (IOC) chuan Inrinni khan Switzerland-ah North Korea chungchang hi an ngaihtuah a, IOC president Thomas Bach chuan North leh South Korea hi February ni kuaa Olympics hawnna an neih hunah an kalrual maithei tih a sawi nghe nghe.

Bach hian ram pahnihte hi hmeichhe Ice Hockey-ah tel tir an remti tih a sawi bawk a, North Korea hi skating leh skiing-ah an tel dawn bawk a ni.