10 Jul 2020 10:34

bakteaJr.

Mizo tlangval

​Wimbledon prize money an sem ral dawn

Coronavirus avangin kuminah Wimbledon khelh a ni dawn lova, kumin Wimbledon-a prize money tur chu player te hnenah sem chhuah a nih tur chu All England Lawn Tennis Club (AELTC) chuan an sawi.

Wimbledon hi June ni 29 atanga July 12 chhunga khelh tura ruahman ni zet mahse COVID-19 avangin cancel a ni a, Indopui Pahnihna hnua Wimbledon an cancel vawi khatna a ni nghe nghe.

Wimbledon prize money hi pound maktaduai 10 a ni a, hei hi kumina tel tur player 620 te hnenah AELTC chuan a sem ral dawn.

AELTC hian singles player 224 te chu pound 12,500 theuh pek an nih tur thu an sawia, main draw-a awm player 256 te chu pound 25,000 theuh pek an nih tur thu an sawi bawk.

Doubles player-te chuan pound 6,250 theuh an dawng dawna, wheelchair player te chuan pound 6,000 dawn dawnin, quad wheelchair player te chuan 5,000 an dawng bawk ang.