Grand Slam zawng zawnga dah hlut ber Wimbledon chu khelh tan a ni leh ta a, US Open leh Australian Open champion lai Naomi Osaka chu first-round ah a tla nghal.
Second seed Osaka hian Kazakhstan lam mi Yulia Putintseva chu 7-6 (7-4), 6-2 in a hneh lova, kumin Wimbledon-a a zinkawng chu beisei aia hma in a tawp.
Osaka hi Martina Hingis hnuah women’s singles-a second seed emaw first seed ni chunga Wimbledon first round-a chak lo leh thei hmasa ber a ni a, kum 2001 khan Hingis chu world no.1 ni chungin Wimbledon first-round ah a lo tla bawk.
Putintseva hian Osaka hi thla hmasa khan grass-court event Birmingham-a neihah a lo hneh tawh a , kum 24 mi hian world no.1 hlui Osaka a hneh thei chu a lawm thu a sawi.
Putintseva chuan, “Ka khel tha in ka hria a, ka lawm hle bawk. Match tin mai hi nasa taka beih a ngai a, eng mah thleng tur a sawi lawk theih loh. Ka theih anga thaa khelh ka tum ber a ni. Kum tin hian grass-court ah hma ka sawnin ka inhria a, mahse clay-ah ka tlangnel zawkin ka hria,” a ti.
Putintseva hian second round-ah Swiss player world no.81 Viktorija Golubic a hmachhawn dawn a ni.