Nimin leh nizan khan Wimbledon mipa quarter final khelh zawh a ni a, Novak Djokovic , Richard Gasquet, Andy Murray leh Roger Federer te chuan semi final an lut ta a ni.

Kum 7 chhungin British tennis star Andy Murray chuan semi final vawi 6 a lut t a, quarter final-ah Canadian Vasek Pospisil a hneh a, Centre cCourt-ah Murray hian darkar 2 lehminute 13 chhungin Vasek Posposil hi 6-4 7-5 6-4 in a hneh a ni.

Murray hian semi final-ah Swiss Roger Federer a tum dawn, vawi 7 lai Wimbledon champion lo ni tawh second seed Federer hian quarter final-ah 6-3 7-5 6-2 in darkar khat leh minute 34 chhungin Frenchman Gilles Simon a hneh a ni.

Champion lai Novak Djokovic chuan Croat Marin Cilic chu 6-4 6-4 6-4 in a hneh a, Djokovic hian French Open champion lai Stan Wawrinka hnehtu Frenchman Richard Gasquet chu semi final-ah a hmachhawn ang.

Nizan inkhel hnunung ber Stan Wawrinka vs Richard Gasquet te a hmuhnawm khawp mai. Set sarih lai an khel a, Richard Gasquet hian6-4 4-6 3-6 6-4 11-9 in hnehna a chang ta a ni. Semi final hi zirtawpnia khelh tur a ni.