Grand Slam tournament zinga ngaihhlut hlawh tak leh hlu ber anga ngaih Wimbledon chu coronavirus avanga cancel niin, nakkumah a hun ngaia khelh a ni ang.

Indopui pahnihna hnuah a vawi khat nan Wimbledon an cancel-a nakkum June 20 atanga July ni 12 chhunga khelh a ni dawn.

Roger Federer record umphak tum mek Djokovic tan a uiawm vawng vawng ang. French Open erawh kan hriat angin an cancel lo a, a hun an sawn hla tawp kha a nia. Nimahsela, French Open an sawn ngawt khan US Open nen a inhnaih lutuk avangin sawiselna a nasa hle.

Thuthar neia French Open an cancel ve leh si chuan, Federer leh a fans te tan thu lawmawm a ni ve leh ngei ang.

Novak leh Rafael Nadal te hi an upa ve tan tho si a, an chance a that vanglai taka he natna khirh tak leng hi infiammi zingah a pawi ti ber pahnih anni mai ang em tih awl tak a ni ta.

USA pawh hi Covid-19 in a tih buai ber ram an ni ta mai si a, US Open pawh a sawi lawk theih ta hauh lo mai.