Andy Murray chuan a kawng (hip) lama harsatna a neih a la dam chian loh avangin Wimbledon atangin a in hnuhdawh thu nimin khan a puang.

World no.1 pawh lo ni tawh Murray hi nikum lam khan a kawngah harsatna a tawk a, Wimbledon-a tel turin inbuatsaih nasa hle mahse a in hnukdawk leh ta zawk a. Kumin khan ATP tournament-ahte tel mahse a thleng sang lova, set nga khel tur chuan a in peih hman ta ngang lo a ni.

Scotsman Murray chuan he a in hnuhdawh thu hi facebook lamah a puang a, ‘Lungchhe tak chungin kumin Wimbledon atangin ka inhnukdawk tih ka rawn puanga, practice-naahte tun hnai ni sawm kalta khan hma ka sawn em em nachungin, ka team-te nen hun rei tak kan ngaihtuaha kan sawi ho hnuin, set nga em khel tur chuan ka la inpeih lo deuhin kan hriaa ka inhnukdawk ta a ni. A huna inpeih hman turin theihtawp kan chhuah tih min lo hriatsak ula, naktuk atangin hard-court-ah practice ka nei tan anga ka in enkawl dam zel anga kumin US hard-court season-ah chuan ka inpeih hman ngei ka beisei.” tiin nimin Wimbledon tan hma ni chiah khan kum 31 mi chuan a ziak.

Chinese Jason Jung tan vanneihna niin, qualifying-ah chak lo mahse Wimbledon a khel dawn a, Murray-a hmachhawn tur Paire a hmachhawn ang.

Andy Murray hi inhliamin a tlakbuak avang hian world ranking-ah no.156-ah a tla thla hman a, British no.1 a nihna pawh kum 2006 hnuah a vawikhat nan Kyle Edmund-a lakah a hloh bawk.