Wimbledon khelh mekah Roger Federer leh Serena Williams-ten third-round an lut a, Caroline Wozniacky erawh a tla.

Wimbledon champion lai Federer hian Lukas Lacko chu min 90 chhung lekin a hneh a, Swiss pachal hi 6-4 6-4 6-1 in a chak. Kum 36 mi hi third-round-ah lutin Jan-Lennard Struff emawIvo Karlovic a hmachhawn ang.

Hmeichhe inkhelah Serena Williams chuan Bulgaria mi Viktoriya Tomova chu 6-1 6-4 a hnehin Wimbledon third-round a lut ve bawk. Kum 36 mi hian a tumpuinu hneh nan hian min 66 chiah a mamawha, a zawnin Wimbledon-ah match 16 a chak tawh. Third- round-ah Williams hian France mi Kristina Mladenovic emaw GermanTatjana Maria a hmachhawn ang.

Hmeichhe inkhel dangah rin loh takin Russian Ekaterina Makarova chuan seeded no.2 Caroline Wozniacky chu 6-4 1-6 7-5 in a hneha, third-round-ah Czech Republic mi Lucie Safarova a hmachhawn dawn.

Seeded no.7 Karolina Pliskova chuan world no.1 hlui Victoria Azarenka chu 6-3 6-3 a hnehin a vawikhat nan Wimbledon third-round a luta, Romania mi seeded no.28 Mihaela Buzarnescu a tum ang.