Kumin September thla US Open-a Serena Williams-i chet dan chungchangah khawvela tennis player ropui ber Roger Federer chuan a ngaihdan a sawichhuak ve ta.

Williams hian US Open final-ah umpire a an khum chiam a, he thilah hian Williams-i tan chhan hi dik tho mahse umpire laka a chet dan chuan dem a hlawh a, Federer ngei pawh hian Williams hi a dem a ni.

Federer chuan, “Serena kha duhtawk mai tur a ni a, a duhtawk reng bawka mahse kha ai khan duhtawk hma tur a ni a, a ti mah mah deuh a ni. Umpire khan Serena kha a ti thinrim zual a, umpire pawh kha khatianga che zui tur kha a niin ka hrelo a ni,” a ti.

US Open final-ah hian Williams leh Japanese mi Naomi Osaka-te inhmachhawnin umpire Carlos Ramos chuan Williams chu box chhuga a coach nena thil inhrilhah puhin warning a pe a, hei hi Williams chuan pha in umpire-in a tihdan chungchangah Ramos hi a an khum hrepa, Williams hian umpire hnenah chuan a ruk phalloh thil tih ai chuan chak loh a thlan zawk thu thlengin a sawi.

Umpire hi Williams chuan a an khum nasa hle a, dawh heh tih leh rukru ti hialin a puh a umpire hian Williams hi point a paih sak zui nghe nghe. US Open-ah Grand Slam title vawi 23 lo la tawh Williams hi a chak lo zuia, Osaka-i champion aiin Williams-i chet dan hian sawi zui a hlawh zawk hle a vawiin i thlengin tennis khawvelah chuan sawi zui a la hlawh hle.