22 Feb 2020 09:47

bakteaJr.

Mizo tlangval

​Wilder vs Fury 2 a thleng dawn ta

Tun hnaia boxing heavyweight bout nghahhlelhawm ber leh ropui ber tura ngaih chu a lo thleng dawn ta a, hneh loh la nei lo WBC world heavyweight champion Deontay Wilder leh hneh loh la nei lo British heavyweight boxer Tyson Fury te chu an inhmachhawn leh dawn.

American boxer Wilder leh Fury te hi kum 2018 khan an lo inhnek tawha, hemi tum hian chak zawk awm lovin draw-a puan a ni a, sawi a hlawh zui hle a, rematch-ah hian an inchingfel dawna, tunlai heavyweight boxer tha ber zawnna pawh a ni pah dawn a ni ber.

He bout nghahhlelawm tak hi MGM Grand Garden Arena, Las Vegas, Nevada, USA-ah neih a ni dawna, US lamah chuan February thla ni 22 (Inrinni/vawiin) –a neih tur ni mahse Indian Standard Time-ah chuan naktuk (Sunday) zingah a ni dawn thung.

He PPV hi US lamah Inrinni zan dar 9-a tan tur niin, India-ah chuan Sunday zing dar 7:30 vela tan tur a ni dawna, Wilder vs Fury 2 hi main event niin, an inhnek hun tur tak hi sawi theih nilo mahse chawhma lam dar 10 atang dar 12 inkar velah a nih a rinawm.

India-ah he fight pe chhuak tur hi an awm lova, official streaming site pawh an awmlo. ESPN+ leh Fox Sports app lamah te en theih a ni dawna, India-ah hian an inhnek dawnah online-a enna tur a awm leh mai beisei niin sawi lawk theih erawh a ni lo.