Anthony Joshua chuan amah cho a inhrosa nasa tak Deontay Wilder chu a hlau bik lo tih a sawi a, American boxer hi bengchheng a tih thu a sawi bawk.

Kum 28 mi Joshua hian WBA leh IBF Heavyweight kawnghren a kawl mek a, Wilder hian Wilder WBC Heavyweight kawnghren a kawl ve mek thung.

Kum 32 mi Wilder hian inhnek ngei a duh tih a sawi chiang tawh a, remruatna mumal tak erawh ala awm lo.

Britain boxer Joshua chuan, "A taka tih leh țawngkama sawi hi a awm a, mahse social media piahlamah hian inbiakna ala awm lo. Heavyweight champion nih chungchang hi ka ngai thutak a, hetianga țawngchhuak reng ho hi an thusawi kan bawhzui tir ang."

"Wilder hian nakkum kum tir lama inhnek a duh anih pawhin harsatna a awm lo va, remruatna fel ala awm lo thung."

"Inbiakna neihpui ila an ngaihdan hriat a chakawm. Wilder hian remruatna alo siam lo anih chuan kan duhdan in kan ti mai ang." tiin a zam bik lo.

Wilder hian Inrinni khan Bermane Stiverne hnehin a kawnghren a humhim a, professional boxing a luhchilh hnuin bout 39 a hmachhawn tawh a tlawm ala nei lo bawk a ni.