25 Sep 2020 12:59

bakteaJr.

Mizo tlangval

​Western Conference Final Game 4 ah Lakers an chungnung zawk

Game 3 ah chaklo zawk ah tang mah se Lakers an tho chhuak leh. 1st quarter tan phat atangin an in lehthal chho nghal zak zak mai. Lakers lamah AD show kan hmu a a tir atangin a hmuhnawm nghal, Nuggets lamah Jamal Murray che tha nghal in game hmuhnawm kan hmu chho nghal zut mai. Experience neih ngah zawk Lakers an tang thei zawk a 37-30 in hma an hruai.

2nd Quarter ah LeBron James leh Kyle Kuzma ten bul an tan tha. Anthony Davis khel tha tluang in FG 7/7 a nei thei, Nuggets lamah Jamal murray thlawp tur in Michael Porter Junior a rawn che tha chho ve bawk, Nuggets lam hian hma an hruai hleitheilo mahse an inthlauhna erawh sang tak a ni lo. 10pts aia sang in hma an hruai theih meuh bik lo. Minute 2:24 ah Play of the night tih theih tur khawpa mawi in Jamal Murray in basket a rawn nei. fans chu awm se Arena chhunga khawk rum rum ngei ang. Lakers lamah center pian tha Dwight Howard a hun takah a rawn che ve thin bawk a, Nuggets tan um phak theih an ni lo. Football ah player in goal bar an pet per chuan mizo rilruah chuan tunlai tawng tak in chakloh hri kan lo ti thin anih kha chutiang deuh chuan Basketball ah pawh hian chaklo tur zawk a lang hi chuan hmahruai theihna chance nei thin mah se an tisual leh fo thin a chu chu Game 4 a nuggets dinhmun hi a ni kan ti thei awm e. 2nd quarter a zawh hian nuggets lam in score tam zawk a 25-23 a ni.

3rd quarter an tan leh in 60-58 chauh in Lakers lam in hma an hruai a mahse a chak zawk tur an nih vang nge Nuggets lam hian an umphak theihna hun tha an bawhpelh fo mai.Khawi lai hmun atang pawn an lut thei zel mai. 3rd quarter tawp lamah Veteran PG Rajon Rondo rawn lut in a rawn che tha chho nghal Nuggets lam an zam duh bik lo Quarter a zawh meuh chuan Nuggets lam bawk in 29-27 in an score tam leh zawk.

4th quarter an khelh tan hian 86-87 ni in Lakers hian point khat chiah in hma an hruai Murray khel tha viau mah se Davis leh LeBron an tum miau avangin chak tur erawh chuan a harsa deuh ni in a lang. AD leh Lebron bakah KCP, Kuzma, Dwight Howard, Rajon Rondo ten an khelh that ve bawk avangin Jamal Murray a chet that hian kawngro a su thei lo. Playoffs final Game 1,2,3,4 en hian LeBron hian champion a tum takzet ani tih a pholang. AD pawn a vawi khat nan NBA champion Zungbun neih ngei a tum tih a chiang. Kobe Bryant vang tal pawn Champion hi an tum tih a chiang. 4th Quarter ah hian 27-24 in Lakers in an score tam zawk a. Game 4 ah 114-108 in Lakers in hnehna changin 3-1 in hma an hruai chhunzawm. Game thum khelh tur ah game khat chiah chak an mamawh. Amaherawhchu Bubble Playoffs ah Nuggets hi 3-1 in vawi hnih an comeback thei a Lakers lakah hian an comeback thei angem? Game 5 hi a hmuhnawm viau ngei ang.

Player Stats

Lakers

Anthony Davis 34pts/5Reb/3steals

LeBron James 26pts/9reb/8ast

Kentavius Caldwell-Pope 13pts

Dwight Howard 12pts/11reb

Rajon Rondo 11pts/5reb/7ast

Kyle Kuzma 10pts

Nuggets

Jamal Murray 32pts/3reb/8ast

Jerami Grant 17pts

Nikola Jokic 16pts/7reb/4ast

Monte Morris 12pts

Michael Porter Jr 13pts/8reb

Team Pahnih khaikhinna

Lakers 47% Nuggets 50% FG

Lakers 33% Nuggets 35% 3pts

Lakers 80% Nuggets 86% FT

Lakers 41 Nuggets 33 Rebounds

Lakers 9 Nuggets 4 Steals

Lakers 9 Nuggets 11 Turnovers

Game 5 Western Conference Final

6:30am Sunday (27/09/20)

Sony SiX