21 Sep 2020 03:38

inkhel

Western Conference Final Game 2 ah Lakers bawk an chak

Game 1 lamah Lakers team in kawng engkim ah an chungnung zawk ani tih an lantir tawh a, Game 2-ah pawh Lakers lam hian chak zawk beisei chung bul an tan. Khelh tan phat atangin Lebron James in hot hands nei in a teammate te tal buai mah se a khelh tha nghal. Nuggets lam in game 1-ah chaklo zawk an ni tih hre chung in an khel a tlawm mai an tum lo.

Murray, James leh Anthony Davis ten bul an tan tha hle a, 1st quarter-ah hian Lakers hian 29-21 in hma an hruai a ni. 2nd Quarter-ah PG thluak tha Rajon Rondo kan hmu a play hmuhnawm tak hmuh tur a awm leh. Chutiang bawkin Nuggets lam pawn play tha tak an chhawpchhuak ve bawk a, fans chu awm se Arena khawk rum rum a au na tur a awm nual mai. Alex Caruso a che tha a. Nuggets lamah Center Ball sem thiam Jokic in game hmuhnawm tak a nei bawk.

2nd Quarter-ah hian an inhnehtawk dun viau mai score pawh 31-29 in Lakers hian an score tam zawk a basket khat chiah in an score tam zawk ani.3rd quarter ah Lakers in an hmahruaina an tam tak nilo mah se team chungnung zawk an nihna an lan tir a 10 points ten hma an hruai chho a ni. Nuggets lam an zam lo, min 1:46 ala awm in 75-78 ani a, Lakers hian point 3 chiah in hma an hruai. A hun takah Anthony Davis in basket a rawn nei leh thin a, chu chuan lakers hmahruaina ah kawngro a su hle. 3rd quarter- ah Nuggets khel tha zawk in 22-28 in an score tam zawk a, 4th Quarter minute 9:45-ah Nuggets hian pawtthla in 82-82 in an tie, game boruak a tang tha hle. Mahse Lakers hian Lebron James an kawl miau avangin a hun takah a tawn che a, Lakers hmahruaina a rawn siam leh. Nuggets lam in Jamal Murray an neih ve tho avangin an zam lo minute 7:24 ah Nuggets hmahruaina basket pawimawh tak a score a 87-86 in hma an hruai ve ta.

Hetihlai hian hma erawh an hruai rei lo, Danny Green leh Rajon Rondo ten Basket pawimawh nei in Lakers in hma an hruai chhunzawm ani. Nuggets lam tlem in an talbuai chho a, Lakers an phur thar bawk si, 100-92 ni in minute 2:45 ala awm in Lakers in hma an hruai. Nuggets lam in chak ngei tum in tan an khawh hnu ah Jokic in Basket rawn nei zawn in minute 1:04 ala awm in 99-100 in Lakers in hma an hruai.

Second tlem te chauh ala awm tih in Jamal Murray 3pts shot airball chu Jokic in mak tak mai in alo tip lut 101-100 in Nuggets in hma an hruai ta, Lakers lam talbuai mai lo in Anthony Davis in basket a rawn nei ve leh 101-102 in Lakers in hma an hruai let leh a ni. Second 20 ala awm tih in Jokic in basket nei leh in 103-102 in Nuggets lam in hma an hruai ve leh a, second 2.01 ala awm in Danny Green score tur chu Jamal Murray-an alo block sak. Lakers ball a ni a, Rondo in ball inbound tur in a ding, Anthony Davis leh Lebron James te hi ball chang tur a beisei an ni. Rondo-in Davis pass in mawi tak mai in Anthony Davis in an chakna 3pts a lut zui. Inkhel hmuhnawm takah 103-105 in Lakers in Game 2 ah hnehna an chang.

Game 2 ah hian an inhnehtawk khawp mai a, Lakers 44%FG anih lai in Nuggets lam hi 47%FG ani thung. Free Throw ah 94% Lakers ni in Nuggets lam hi 75% chauh ani thung. Lakers lam hian 23 turnovers an neih lai in Nuggets lam hian 19 an nei. Quarter tin score en hian Lakers hian Game 2 hi an dominate ta bik lo tih a hriat theih.

Lakers hian Jersey Dum( black Mamba) an hak hian tlawm an la nei lo a ni.

Game nga la khelh tur ah hian game hnih hi lakers an chak leh anih chuan NBA final khel tur in an tling dawn tihna ani a Game nga ah hian Nuggets hian NBA final khel tur in game li an chak angai thung. Nuggets 2019-20 playoffs record kan hria a chuvang chuan thil theih loh chu a ni lo.

Stats:
Anthony Davis 31pts/9reb
LeBron James 26pts/11reb
Jamal Murray 25pts/6reb
Nikola Jokic 30pts/6reb/9ast