11 Jan 2019 10:51

inkhel

​West Ham-in Arnautovic hralh an tum lo

West Ham chuan an player Marko Arnautovic chu zawrh lai a ni loh thu an sawi.

Chinese club pakhatin Arnautovic hi an dawr niin Sky Sports chuan a sawi a, a manah pound maktaduai 35 an thehchhuak bawk bok niin tarlan a ni. Arnautovic-a unaupa leh a agent ni bawk Daniel chuan Arnautovic chu China lama kal a duh niin a lo sawi tawh a, mahse West Ham lam rilru erawh a dang hle.

Arnautovic-a agent chuan, “West Ham hian Marko hi tlawm takin an lei a, pound maktaduai 20 an seng; chu chu tun bazarah hi chuan eng tham mah a ni tawh lo. West Ham chuan season liamta khan Marko hi Premier League-a an inham tan theih nan an lei a, an lei chhan a tih hlawhtlin sak bakah club chhunga lawmman zawng zawng a hui nghe nghe.

“Tunah hian West Ham-in dawrtu tha tak an nei a, a man an pek let hnih deuh thaw in dawrna an hmu. Marko hian chhuah a hreh lova, title lak a duh. China atanga dawrna an hmuh hi West Ham chuan pawm ngei se tih hi Marko-a thil duh a ni,” a ti.

West Ham lam chuan kum 29 mi Arnautovic chu zawrh lai a nih loh thu sawi ve in, “Marko Arnautovic hi kan hnena contract nei lai a ni a, chu chu zah takin a kenkawh kan beisei. Zawrh lai a ni lo,” an ti ve thung.

Arnautovic hi tun bazar lai hian Chelsea nen pawh sawi zawm zeuh a lo ni tawha, mahse West Ham lam hian an Austrian player hi hralh chhuah an tum lo hle niin a lang a ni.