West ham captain Declan Rice chu tun nipuia Hammers chhuahsan tura rin kai a ni a, mahse  West Ham-a khelh chhunzawn zel chu a tum awmchhun a nih rih thu a sawi thung.

Rice hi Hammers captain zingah trophy chawipui thei awmchhun 3-na a ni a, Europa Conference League final-ah Fiorentina hnehin, kum 43 chhung an lo nghah tawh trophy chu Rice hian lawmna mittui nen a chawi a ni.

Bobby Moore leh Billy Bonds chuan east London club hi trophy an lo chawipui tawh bawk.

England International hian West Ham tana a game hnuhnung ber tur a khel dawn niin thuthang tam tak a awm a, tun nipuiah Arsenal lam a pan dawn niin thuchhuah thenkhat chuan an tarlang.

"Tun hnai hian ka hma hun chungchangah ngaihruatna thuthang a tam hle tih ka hria a, heltu club chu ka nei neuh neuh. Mahse West Ham-ah hian kum 2 chhung contract ka la nei.

"He club hi ka hmangaih a, he club tana khelh hi nuam ka ti em em bawk. Tunah chuan chetsawnna thu lam kha a ri rih lo. West Ham tana khelh chhunzawm zel hi ka thupui ber a ni rih. 

"He club captain hi ka ni a, ka duh ang chu ka sawi ve theiin ka hria, thil thleng tur chu kan hre mai ang chu. Ka career-a hun hlimawm ber a ni a, tihchhiat ka duh lo.

"Kum 6 chhung khan he club tan hian ka thinlung zawng zawng ka hlan a, he club pui tur hian ka theihtawp ka chhuah zel ang. Hun hreawm pawh ka tawng fo a, tunah hun hlimawm kan thleng ve chiah bawk a, a aia sang kan thlen chhoh zel theih ka ring tlat a ni,"tiin Rice chuan a sawi.