German Club Werder Bremen chuan Arsenal goalkeeper Karl Hein chu loan-a lak tumin hma an la mek.

Estonia International hian seasn liamta khan La Liga club Real Valladolid tan loan-in a khel a, game 31 lai a khel. Kum 2019 khan Arsenal a zawm a, Arsenal senior team tan game 1 chiah a la inlan a, chu pawh kum 2022 Carabao Cup-ah niin, Brighton a hmachhawn a ni.

Kum 2024 khan Hein hian Emirates Stadium-ah contract thar a ziak a, a contract hian kum 2026 thleng a daih a, hetah hian thla 12-a pawh sei theihna ziah tel a ni.

North London club hian an goalkeeper chhawr ngai loh hi hralh an duh a, an hralh dawn a nih chuan £3million atanga £5million vel an chhiar. Hetih lai hian Bundesliga club hian loan-a hawh an duh a, an inhawh zawhah lei dan tur ngaihtuah an tum chauh niin The Athletic chuan a tarlang a ni.

Tun nipui bazarah khan Bremen hian an 1st choice goalkeeper Michael Zetterer chu Eintracht Frankfurt hnenah an hralh a, ani hian season liamta Bundesliga game 34 a khel a ni.

Arsenal hian David Raya chu 1st choice an nei a, Chelsea atangin Kepa Arrizabalaga an la tawh bawk a, England under 19 international Tommy Setford pawh an nei bawk. Heng te a nih avang hian Hein hi thehchhuah an duh a ni.