Mizo infiammi chhuanawm pahnih Jeremy Lalrinnunga leh Lalremsiami Hmar ten, Youth Olympic Games 2018 neih zawh taka hlawhtlinna an chan lawmpuina chu October ni 23, Thawhlehni tlai khan Synod Conference Centre-ah hman a ni.
India hmeichhia Hockey team vice captain Kolasib nula Siami hian Youth Olympic silver medal a lak bakah Asian Games-ah medal la tawh bawkin mizo infiammi zingah Asian Games-a medal la hmasa ber awm chhun a ni.
Govt. Complex rawlthar l Jeremy-a hian Argentina khawpui Buenos Aires-a inelna neih zawh takah weightlifter 62 kg huangah gold medal chawichhuakin Indian infiammi zingah Youth Olympic Games bikah gold medal la hmasa ber a ni bawk.
He lawmpuina hun hi Pu Lalthangpuia Sailo, IAS, Commissioner & Secretary, Sports & Youth Services Department chuan kaihruaiin Rev Chuauthuama chuan Bible chhiarin tawngtaina hun a hmang.
Pu C. Laltlanthanga, Secretary MSSC, chuan Siami leh Jeremy-a ten hlawh tlinna an chanah hian Association hruaitute an fak awm a tih hle. Olympic hi pawh kum 4 danah neih a ni a, hnam puanzar khaitir hi thil har tak a ni a, hnam hla sak theihna awl ber chu sport a ni. Silai leh Bomb tello a indona a ni a, hnam hla sakna awlsam ber a ni. Siami leh Jeremy-a medal lak hi India mipui leh mizo hnam zawng zawng medal a ni a, mizo te min ti hming tha hle a ni a ti.
Chief Guest Pu Lalnunmawia Chuaungo, IAS Principal Secretary, Financy Department etc, Government of Mizoram chuan Youth Olympic Games-ah Siami leh Jeremy-a chiah hi mizo ziangah medal la thei awm chhun an ni a, mizo hnam min chawimawi a ni a ti.
Jeremy leh Siami dinchhuah tir an ni a, an din laiin an hlawhtlinna chanchin tlangpui chhiar chhuaha ni a, Sports Association tin ten lawmpuina thilpek an hlan vek bawk. Jeremy-a chuan a hlawh tlinna chhan hi Pathian hnen a a tawngtaina chhanna a nih thu a sawi a, khup na chung a 150 kg a chawi lai hian a pu in a zir tir thin Halleluilah Amen tia a au chhuah thu a sawi.
Siami chuan tawng a thiam loh a vang a, harsatna a tawh thu te sawiin a tawngtai nasat thu a sawi a, Pathian khawngaihna avangin a beisei phak bakin a khel tha ziah a, a hlawhtlinna hi a tawngtai chhanna a nih thu a sawi tel bawk.
(adsbygoogle = window.adsbygoogle || []).push({});