Nizan khan FIFA World Cup qualifiers inkhelah ram eng emaw zat an inlan leha, result langsar ber erawh North Macedonia leh Germany inkhel a ni a, ram lian zawk Germany hi 2-1 in an tlawm.

Germany hian MSV-Arena ah North Macedonia hi an lo mikhuala, half time hma chiahin kum 37 mi Goran Pandev chuan North Macedonia hi hma a hruaipui.

Manchester City midfielder Ilkay Gundogan chuan darkar khat chuang hret khelh a nihin Germany si phurh hi penalty spot atangin sut in, hun tawp dawn lamah Eljif Elmas chuan North Macedonia chakna goal a khung zuia, 2-1 in mikhual lam hian hnehna an chang ta a ni.

Champion lai France chuan Stadion Grbavica-ah Bosnia-Herzegovina an luhkhunga, France hi darkar khat khelh a nih chiaha Antoine Griezmann-a goal khung hmangin, 1-0 in an chak.

Spain-in Estadio de La Cartuja-ah Kosovo an lo mikhuala, mual neitu lam Spain hian 3-1 in hnehna an chang.

Spain hian darkar chanve chuang khelh a nih chiahin minute hnih chhungin 2-0 in hma an hruaia, Dani Olmo leh Ferran Torres te chuan goal an khung. 70mins-ah Kosovo tan Besar Halimi chuan goal khungin, minute nga hnuah Gerard Moreno chuan Spain goal thumna a khung ve leh.

England chuan Wembley Stadium-ah Poland an lo mikhuala, 2-1 in England hi an chak.

England hi an captain Harry Kane chuan 20mins velah penalty spot atangin hma a hruaipuia, darkar khat khelh a nih hma hretin Jakup Moder chuan Poland si phurh sut mahse, Manchester United captain Harry Maguire chuan hun tawp hnaih tawh lamah England chakna goal a khung ve leh a ni.

Italy chuan Lithuania an tlawha, Italy hi si hnih faiin an chak. Second half tir lamah Stefano Sensi chuan Italy hi hma a hruaipuia, hun tawp dawn injury time-ah Ciro Immobile chuan penalty spot atangin Italy goal hnihna a khung.

World Cup qualifiers result:

Germany 1-2 North Macedonia

(Gundogan 63' pen) (Pandev 45+2', Elmas 85')

Bosnia & Herzegovina 0-1 France

(Griezmann 60')

Spain 3-1 Kosovo

(Olmo 34', F Torres 36', Moreno 75') (Halimi 70')

England 2-1 Poland

(Kane 19' pen, Maguire 85') (Moder 58')

Lithuania 0-2 Italy

(Sensi 47', Immobile 90+4' pen)

San Marino 0-2 Albania

(Manaj 63', Uzuni 85')

Liechtenstein 1-4 Iceland

(Frick 79') (Saevarsson 12', Bjarnason 45', Palsson 77', Sigurjonsson 90+4' pen)

Greece 1-1 Georgia

(Kakbadze 76' og) (Kvaratskhelia 78')

Scotland 4-0 Faroe Island

(McGinn 7' 53', Adams 60', Fraser 70')

Moldova 1-4 Israel

(Carp 29') (Zahavi 45+1', Solomon 57', Dabour 64', Natkho 66')

Red Card : Nicolaescu 50' (Moldova)

Austria 0-4 Denmark

(Olsen 58' 73', Maehle 63', Hojbjerg 67')

Andorra 1-4 Hungary

(Pujol 90+3') (Fiola 45+2', Gazdag 51', Kleinheisler 58', Nego 90')

Ukraine 1-1 Kazakhstan

(Yaremchuk 20') (Muzhikov 59')

Northern Ireland 0-0 Bulgaria