21 Jul 2019 12:36

bakteaJr.

Mizo tlangval

​WBA Welterweight Champion thar Manny Pacquiao

MGM Grand Garden Arena, USA-a boxing bout hmuhnawm takah Pacquiao-a chuan split decision-in Keith Thurman a hneh a, WBA Super Welterweight Champion thar a ni ta a, boxing record-a hnehloh la neilo Keith Thurman hneh hmasa ber a ni ta bawk a ni.

Boxer pahnihte hi an inhnek hma hian boruak a lian angreng hle a, Thurman-a chuan Pacquiao a sawisak tur thu a insawi nasa viau a, ring chhungah erawh kum 40 na hmang mek Pacman-a kuttum thlawk chhuak rang lutuk a veng hmanlo a ni ber.

Round 1 naah Pacquiao-an a hnek thlu nghal mai a, mipui thawm a ring tha viau. Round hnihna atanga round lina thleng pawh Pacquiao a chungnung a tih theih anga, a vanglai angin che rang tawhlo mahse, a footwork leh a hnek a la na hle tih a hriat. Round nga na atangin Thurman a che tha chho a, hnek fuh a nei chho. Round sarihna thleng dinhmun tha zawkah a ding hman a, a hnar atanga thisen rawn chhuak thin chuan a tibuai leh thin, a duh ang erawhin a che theilo thung.

Round a rei chho a, tawnhriat ngah tawh Pacquiao a rawn che tha chho leh. Thurman-an hnek fuh tum viau mahse; an inchet ran hleih deuh avangin a duh ang ngawtin a che hlei theilo thung.

Round 12 an khelh zawh hnuin judge pathum atanga pahnihin Pacquiao an chaktir a, chak pakhatin Keith Thurman a chaktir ta thung a, split decision-in Pacquiao-a chuan Welterweight Fighter Keith Thurman lakah hnehna a chang ta a ni.

An inhnek zawh hian Pacquiao-a chuan Thurman chungchang sawiin, " Fighter tha tak a ni a, a tir atangin a awlsam dawnlo tih ka ring reng a ni, " a ti. Keith Thurman-a pawhin, "Rematch leh ngei ka duh a ti zui, ". Mipui atang pawhin an thawm atangin hmuh leh ngei an chak tih a hai theihloh.

Pacquiao-a hian kum 40 na hmang mek mahse, khawvel boxer tha ber pawl anih zia a lantir chiang hle a. A weight puia tunlai khawvela boxer tha ber pahnih Errol Spence Jr leh Terrence Crawford a hmachhawn thuai pawh a beiseiawm ta riau. Kumin kum tawp hian British Boxer Amir Khan nen inhnek tura sawi rik a awm bawk a, amah Pacquiao pawhin kum 45 thleng ring chhunga inhnek a tum thu a lo sawi tawh nghe nghe.