Kum 17 chauh a upa la ni Liverpool forward Ben Woodburn chuan a vawikhat nan ram tan khel tura kohna a dawng a, World Cup qualifying round khelh hmabak Wales-in an ko.

Woodburn hian Liverpool tan tun season-ah game sarih a khel tawh a, nikum November ni 30 khan Liverpool tan hian EFL Cup quarter final-a Leeds United an hneh țumin goal a khung a hei hi The Reds tan a goal khung hmasak ber a ni.

Leeds United laka goal a khung hian kum 17 leh ni 45-a upa chauh ala ni a, Liverpool senior team tana goal khung thei naupang ber a ni nghe nghe.

March ni 24-a Republic of Ireland hmachhawn tur Wales hian an group-ah pathumna dinhmun an luah mek a, squad-ah hian Gareth Bale leh Aaron Ramsey-te pawh an tel.

Kum 27 mi Bale hian ke rek hliam vangin thla thum chhung inkhel thei lovin hun a hmang a, a dam hnuin tunhnaiah Real Madrid tan game nga a khel leh tawh.

Arsenal midfielder Ramsey pawh hi hliam vangin thla khat a chawl a, dam tawhin Gunners game hnuhnung pahnihah a inlan leh thei tawh bawk.

Wales squad-ah hian Tom Lawrence pawh koh tel a ni a, Leicester City striker Lawrence hian loan-a Ipswich Town a zawm chhungin goal 11 a khung.

WALES SQUAD:

Wayne Hennessey

Danny Ward

Owain Fon Williams

Ben Davies

James Chester

James Collins

Joe Walsh

Chris Gunter

Jazz Richards

Neil Taylor

Ashley Williams

Joe Allen

David Edwards

Andy King

Tom Lawrence

Joe Ledley

Shaun MacDonald

Aaron Ramsey

Gareth Bale

Hal Robson-Kanu

Tom Bradshaw

Sam Vokes

Ben Woodburn