Vivo Futsal League-1: JC FC, Electric Veng-in Final an lut

16th August 2019, 04:08PM

Futsal Association Mizoram (FAM) buatsaih Vivo Futsal League-1Powered by SEDP semifinal hmasa zawk chu August ni 15, Ningani zan khan Electric Veng YMA Hall-ah khelh a ni a, JC FC, Electric Veng chuan an khingpui AIE Armed Veng hnehin final an lut. Anupam Aluminium Player of The Night-ah Lalrinsanga, JC FC, Electric Veng chu thlan a ni.

Semifinal hnuhnung zawk hi August ni 16, Zirtawpni zan dar 8:00-ah khelh tur a ni a, David Laltanpuia Memorial FC, Leitan leh Team Inori, Zuangtui te an in hmachhawn ang.

8:00 PM AIE, Armed Veng 1-3 JC FC, Electric Veng
(Lalhriatmawia 30') (Lalrinsanga 6', 26', VL.Rindika 9')

Final luh inchuh AIE, Armed Veng leh JC FC, Electric Veng inkhelah JC FC, Electric Veng te an chungnung zawk a, first half-ah goal hnih an khung hman. Goal hmasa ber hi inkhel tan atanga minute 6-ah Lalrinsanga chuan a pet goal nghal. Minute 3 pawh aral hmain VL Rindika chuan an goal hnihna khung zuiin JC FC, Electric Veng chuan 2-0 a hmahruaiin hun chanve an hmang zo.

Second half-ah goal hnih a luh belh leh a, AIE, Armed Veng insiam thain, an siphurh sut ngei an tum mahse, goal erawh an khung mai thei lo. JC FC, Electric Veng chuan an hun tha neih hmang tangkaiin minute 26-ah Lalrinsanga bawk chuan an goal thumna a khung zui leh a, 3-0 a ni ta. Goal luh belh tawh lo in hnehna an chang zui tawh dawn emaw tih hnu huntawp dawnah
AIE, Armed chuan Lalhriatmawia hmangin goal khung mahse, hunin a daih tawh lo a, JC FC, Electric Veng chuan 3-1a hnehna changin final an lut ta a ni.

(adsbygoogle = window.adsbygoogle || []).push({});
Copyright © inkhel.com 2024. All rights reserved.