Futsal Association of Mizoram (FAM) buatsaih Vivo Futsal League-1 Powered by SEDP chu August ni 17, Inrinni zan khan final khelh a ni a, David Laltanpuia Memorial FC, Leitan chuan 5-2 a JC FC, Electric Veng hnehin an champion
Player of The Night-ah Zothansanga, David Laltanpuia Memorial FC chu thlan a ni. Champion David Laltanpuia Memorial FC, Leitan hian Rs 100,000/- Trophy an dawng.
Best Player-ah Peter Lalrinhlua, David Laltanpuia Memorial FC, Leitan chu thlan a ni a, Best Goal Keeper-ah R.Zothanmawia, David Laltanpuia Memorial FC, Leitan thlan a ni bawk. Top Scorer-ah goal 7 khungtu Jonathan VL.Pekhlua, Team Inori, Zuangtui chu thlan a ni.
(adsbygoogle = window.adsbygoogle || []).push({});
David Laltanpuia Memorial FC, Leitan 5-2 JC FC Electric Veng
(C.Lianzela 10', Zothansanga 11', Peter Lalrinhlua 14', 24', Lalrinsanga 30') (VL.Rindika 6', 21')
Final inkhel a hmuhnawm hle a, first half-ah goal 6 zet alut a, second half-ah goal khat a luh belh thung. Inkhel tan a ni a, team pahnih te an innawr tawn zak zak hnuah JC FC Electric Veng chuan an hun tha neih hmang tangkai hmasa zawkin minute 6-ah VL Rindika chuan an hmahruaina a khung chu David Laltanpuia Memorial FC, Leitan minute 10-ah Peter Lalrinhlua chuan an siphurh a rul nghal zat thung.
David Laltanpuia Memorial FC, Leitan chuan nawr chhunzawm nghalin Zothansanga leh Peter Lalrinhlua chuan goal khat ve ve rawn khungin 3-1 in hmaanhruai ta zawk a ni. JC FC Electric Veng chuan an siphurh sut tumin an nawr let a, VL.Rindika bawk chuan an siphurh sut thenin an goal hnihna khung ve bawk mahse, David Laltanpuia Memorial FC, Leitan tan Peter Lalrinhlua bawk chuan goal rawn khung leh in 4-2 in hmaanhruai chhunzawn a, chawlhlawk an hmang zui ta a ni.
Second half-ah JC FC Electric Veng insiam thain nawr mahse goal erawh an khung mai thei lo a, David Laltanpuia Memorial FC, Leitan chuan an hun tha neih hmang tangkaiin Lalrinsanga chuan goal khungin 5-2 a ni ta. JC FC Electric Veng an talbuai tawh an siphurh sut ngei an tum a, counter attack-in nawr let mahse, goal an khung thei tawh lo a, David Laltanpuia Memorial FC, Leitan chuan 5-2 in hnehna an chang ta a ni.
Lawmman
Champion : David Laltanpuia Memorial FC, Leitan, ₹10,00,00/- Trophy
Runner Up : JC FC Electric Veng ₹ 50,000/- Trophy
Semifinalis, Team Inori zuangtu ₹10,000/- AIE Armed Veng ₹10,000/@
Best Player : Peter Lalrinhlua, David Laltanpuia Memorial FC, Leitan ₹3000/-Trophy &Vivo Smart Phone
Best Goal Keeper : R.Zothanmawia, David Laltanpuia Memorial FC, Leitan ₹3000/- Trophy
Top Scorer : Jonathan VL.Pekhlua, Team Inori, Zuangtui, goal 7 ₹3000/- Trophy
(adsbygoogle = window.adsbygoogle || []).push({});