Vitesse-in Baker an hawh dawn.

27th June 2015, 03:06AM

Chelsea rawlthar Lewis Baker chuan season khat chhung loan-a khel turin Dutch club Vitesse Arnhem a zawm.

Kum 20 mi Baker hian Chelsea-ah kum li daih contract ala nei a, season liamta khan MK Dons-ah loan tho in a khel a Football League One atangin season thara Championship khel turin a kaipui.

Chelsea Academy atanga in zirchhuak English midfielder hian FA Youth Cup leh Under-21 Premier League-ah London club hi a champion pui tawh a, kum 2014 khan Chelsea Young Player of the Year-ah thlan a ni bawk.

Baker hi England Under-20 captain a ni mek bawk a, May ni 27 leh June 7 inkar khan Toulon Tournament-ah an tel a palina an ni.

Chelsea first-team tan a game hmasa ber chu kum 2014 January thla khan a khel a, FA Cup third round-a Derby County an hmachhawn tumin a ni a minute 87-naah lutin he inkhelah hian hnehna an chang nghe nghe.

Copyright © inkhel.com 2024. All rights reserved.