Khawtthler a chatthla Aston Villa midfielder Jack Grealish-a thlalak chu social media ah a darh nasa tawh hle a, Villa lam pawhin thuchhuah siamin Jack Grealish-a hi meeting neihpui an tum thu an tarlang.

Kum 19 a upa Jack Grealish hi kum naupangte ni chungin a nungchang a thalo hle a, April thla khan nuihna gas Nitrous oxide a hip lai thlalak a darh tawh avangin TIm Sherwood-a'n warning alo pe tawh a ni.

Jack Grealish-a thlalak hi kawtthlera a chahthlakna hmun bula cheng in alo lak a ni a, twitter lamah he thlalak hi tweet nghalin Grealish hi cigarette bawm nen kawngpuiah a chatthla nuaih a ni.

Aston Villa hian he thlalak darh ta hi an ngaimawh thu sawiin Jack Grealish-a inbiakna an neihpui tur thu bak tunah rih chuan thuchhuah siam tur a chungchangah an neihloh thu an tarlang.

Season kalta a Aston Villa an relegate lohna kawngah te leh FA Cup Final an thlenna kawng a player pawimawhber pawl Jack Grealish hi a ni a, Villa academy atanga in zir chhuak niin FA Cup Semifinal a Liverpool 2-1 a an hneh thum khan goal hnih ah te khan a inhnamhawih ve ve bawk a ni.