Aston Villa chuan Stoke City atangin Asmir Begovic lakluh an tum ruh hle a, Bosnian goalkeeper hi Chelsea pawhin lakluh an duh niin sawi a ni.

London club hian Thibaut Courtois thla vengah Begovic hi an duh tih thawm a awm a, mahse Villa hian an dawrna sumah Stoke hmin theih an in beisei.

Birmingham Mail-in an tarlan dan chuan Stoke hian £10m-in Villa hi an zawrh a, mahse Tim Sherwood enkawl mek Villa hian heti zat hi sen an tum lo.

Kum 28 mi Begovic hian kum 2010 khan Portsmouth atangin Stoke hi a zawm a, Villa-ah hian a luh chuan USA international goalkeeper Brad Guzan nen khelhna hmun inchuhin an inel ang.

Potters tan Begovic hian game 160 chuang a khel tawh a, Bosnia national team tan pawh game 41 a khel tawh bawk a ni.