Aston Villa chuan loan-a an hawh mek Manchester City winger Scott Sinclair chu kum li chhung daih contract ziahpuiin an lalut a, aman puanzar a nilo.

Swansea winger hlui hian January thla atang khan loan-in Villa hi a zawm a, game 11 khelin goal thum a khung a FA Cup final a luhpui bawk.

Kum 26 mi Sinclair chuan, "Hun tam tak hnuah tun hi ka hlim ber tum a ni ang. Hei hian hma ka sawn nan min puih ka ring a, kan chetthat zel pawh ka ring." tiin a sawi.

Kum 2012 khan Swansea atangin Manchester City hian £8m sengin an lei a, kum 2013 khan West Brom lamah loan-in an chhuahtir a City tan hian belhkhawmin game thumah bak inkhel bul a tan pha lo.

England Under-21 winger hlui ni bawk hian Bristol Rovers atang bul lo tan chhovin kum 2005 khan Chelsea-ah a lut a, London club-ah hian khelhna hmun chang pha lovin kum nga chhung a awm a vawiruk lai loan-in a chhuak.