Head coach nei lo va awm mek Newcastle United leh Patrick Vieira inbiakna a tawp a, England manager hlui Steve McClaren chu Magpies enkawl tura hming langsar ber a ni ta.
Arsenal midfielder hlui Vieira hi Manchester City Under-21 manager a ni mek a, John Carver hmunruak hnawh khata Newcastle United enkawl tura rin ber a ni hman.
Newcastle leh Vieira hi an duhdan (policy) a in mil thei lo va, hei vang hian an inbiakna hi an titawp.
Newcastle hian January thlaa Alan Pardew an ban hnuin Carver an chhawr a, Premier League-ah in ham tan pui mahse an duhthu a sam lo va hei vang hian coach thar an melh a Carver hi coaching staff-ah a tel zui rin a ni.
Magpies head coach thar ni tura rin tak ber McClaren hi thla hmasa khan Derby-in an ban a, England rampawnahte pawh club enkawlin alo awm tawh thin a coach tawnhriat ngah tawh tak a ni.